Рэкалекцыі для моладзі на тэму «Святая Сям’я. Мая сям’я» правялі сёстры назарэтанкі ў Навагрудку. З 3 па 6 студзеня маладыя вернікі з розных парафій дыяцэзіі сабраліся ў кляштары манахінь, каб разважаць над жыццём Езуса, Марыі, Юзафа і браць прыклад з Іх штодзённага ўзрастання ў любові і святасці. Канферэнцыі, падрыхтаваныя кс. Міхалам Бубенам, раскрывалі сутнасць адносінаў у сям’і, дапамагалі зразумець уласныя ...

Аргкамітэт па стварэнні партыі «Беларуская хрысціянская дэмакратыя» пачаў збор подпісаў за перайменаванне праспекта Дзяржынскага ў праспект Адама Станкевіча.  Адам Станкевіч — вядомы каталіцкі святар, адзін з заснавальнікаў беларускамоўнай Каталіцкай Царквы і Таварыства беларускай школы, лідэр «Беларускай хрысціянскай дэмакратыі». Жыццё гэтага грамадска-палітычнага дзеяча, выдаўца, гісторыка, публіцыста і літаратуразнаўцы скончылася трагічна: яго замучылі ў ГУЛАГу. Адам Станкевіч нарадзіўся ў 1892 годзе ў ...

У 2017 годзе галоўнае свята ўсіх хрысціян — Уваскрасенне Хрыстова — будзе асаблівым: усе канфесіі адзначаць яго ў адзін дзень, 16 красавіка. У апошні раз гэта адбывалася ў 2014 годзе. Разлік даты Вялікадня залежыць ад поўні, паколькі старазапаветнае свята было ўсталявана ў памяць збавення габрэйскага народа ад егіпецкай няволі. У старажытных габрэяў Пасха была непераходным святам і адзначалася ад 14 ...

Трэці год запар удзельнікі вакальна-харэаграфічнага гурта “Пухавіцкія пярлінкі” касцёла Святога Антонія, што ў Мар’інай Горцы, дзеляцца радасцю Божага Нараджэння з жыхарамі Дзяржаўнай установы “Пухавіцкі псіханеўралагічны дом-інтэрнат”. 1 студзеня, пасля нядзельнай Літургіі ў касцёле, дзеці разам з пробашчам Генрыхам Кучынскім прыехалі сюды, каб паказаць музычную інтэрпрэтацыю вядомай казкі “Марозка”. Шчыра і адкрыта юныя артысты данеслі да гледачоў думку, што Бог знаходзіцца побач, ...

У гомельскай Дзіцячай вёсцы для сірот-інвалідаў, апеку над якой трымае мясцовы «Карытас», прайшоў калядны ранішнік. Цікава, што на свяце прысутнічалі і каталіцкі, і праваслаўны святары, а малітву чытаў менавіта праваслаўны душпастыр. Дзіцячая вёска складаецца з некалькіх катэджаў, дзе жывуць групы-сем’і, і кожны домік мае свайго апекуна. Традыцыйна падчас перыяду Божага Нараджэння тут шырока адзначаецца свята заступніка аднаго з домікаў – ...

Сустрэча Папы Францішка з Патрыярхам Кірылам 12 лютага на Кубе прайшла гістарычная сустрэча Папы Рымскага Францішка з Патрыярхам Маскоўскім і ўсяе Русі Кірылам. Пасля яе больш верагодным стаў візіт Папы Рымскага ў Беларусь. Падпісаўшыся пад словамі, што “католікі і праваслаўныя пакліканыя па-братэрску супрацоўнічаць для абвяшчэння Евангелля збаўлення”, вызнаўшы за Каталіцкім Касцёлам права “рабіць усё неабходнае для задавальнення духоўных патрэбаў сваіх вернікаў”, лагічна чакаць, што Патрыярх Кірыл пагодзіцца на візіт Святога ...

У дзень перад Божым Нараджэннем  ў Лідзе адбылася аплаткавая сустрэча для ўсёй супольнасці айцоў піяраў, якія працуюць ў Беларусі. Па традыцыі сустрэча распачалася з супольнай малітвы на брэвярыі ў капліцы, на працягу якой ўсе субраты аднавілі вечныя шлюбы. Пасля заканчэння малітвы айцы піяры сабраліся каля святочнога стала. Спачатку настаяцель супольнасці піяраў а. Вітальд Пяцельчыц прачытаў віншаванні айца правінцыяла, пасля чаго ўсе ...

Студэнты БелДУТа Раман Рошчанка і Дзмітрый Башмак працягваюць працаваць над праектам па аднаўленні гістарычнага аблічча галоўнай плошчы Гомеля. Нагадаем, да 1940 года там размяшчаўся будынак касцёла. Зараз архітэктары-энтузіясты намалявалі святочны кадр і паказалі, што аднаўленне ўзарванага каталіцкага храма дазволіла б павялічыць пешаходную прастору перад драмтэатрам і перанесці туды ёлку. katolik-gomel.by

Усё хутчэй і хутчэй набліжаюцца святочныя дні, на вуліцах і ў дамах з’яўляюцца ўпрыгожаныя елкі, навагоднія агеньчыкі, усмешкі і калядны настрой. Набліжаецца Божае Нараджэнне… Гурт «Laudans» таксама распачаў падрыхтоўку да святаў. На днях у інтэрнэце з’явілася відэа, на якім прадставілі спеў «Як прыбеглі пастухі». Відэа здымалася ў дольным касцёле мінскай архікатэдры. Акрамя асноўнага склада гурта былі запрошаны хор з касцёла ...

Традыцыйны дзіцячы конкурс калядных ясляў прайшоў у парафіі Святых апосталаў Пятра і Паўла ў Іўі. На суд журы было прадстаўлена каля васьмідзесяці работ, выкананых у розных тэхніках і з выкарыстаннем шматлікіх матэрыялаў. Некаторыя яслі былі аздоблены электрычнай падсветкай, што надало ім яшчэ большай святочнасці і таямнічасці. Усе удзельнікі конкурсу, а гэта амаль сто маленькіх парафіян з Іўя і некалькі дзяцей ...