Каталіцкі Веснік Добрая Вестка ў тваім доме!
Гістарычна склалася так, што паломніцтва цешыцца папулярнасцю сярод людзей. Пілігрымка заўсёды была праявай пакаяння, жадання выправіцца, штосьці змяніць у сваім жыцці, выпрасіць патрэбныя ласкі.
Перажываючы паломніцтва, узбагачаючыся досведам, вернікі паступова складалі парады, якія павінны дапамагчы больш плённа перажыць пілігрымку. Ніжэй некаторыя з іх.
- Няварта ісці ў пілігрымку таму, хто не выплаціў даўгі.
- Няварта ісці ў паломніцтва таму, хто пакінуў дом у сварцы. Няварта адыходзіць у шлях без згоды бацькоў або сужанца.
- Дарэмна будзе пілігрымаваць той, хто дома пасварыўся з кімсьці, з кім не мае намеру памірыцца.
- Дарэмна будзе пілігрымаваць і той, хто пакінуў шмат працы дома, тым самы пакідаючы ў цяжкай сітуацыі тых, хто застаўся.
- Нягожа паліць падчас дарогі. Хто не можа адмовіцца ад цыгарэт на дзень або два, як зможа пакінуць свой грэх назаўжды?
- Пасля вяртання дадому трэба пільнаваць, каб не страціць той скарб, які атрымаў пасля цяжкага падарожжа.
- Перад тым, як распачаць шлях, трэба задаць сабе пытанне, ці сапраўды маеш моцнае жаданне вырушыць. Калі не — лепш застацца дома.
Паводле pielgrzymkawroclawska.pl, пераклад grodnensis.by
для друку
