Папа Францішак абвясціў 14 мая днём малітвы і посту ў інтэнцыі заканчэння пандэміі каранавіруса

Ілюстрацыйнае фота

Святы Айцец заклікае далучыцца да міжрэлійгінай малітвы ў інтэнцыі заканчэння пандэміі каранавіруса. Адмысловы заклік ён скіраваў 3 мая 2020 г.

“Паколькі малітва мае паўсюдную каштоўнасць, я прыняў прапанову Высокага камітэта па чалавечым братэрстве адносна таго, каб 14 мая вернікі ўсіх рэлігій духоўна далучыліся да Дня малітвы і посту, просячы Бога дапамагчы чалавецтву перамагчы пандэмію каранавіруса”, — падкрэсліў Святы Айцец пасля малітвы «Regina Coeli», якая прайшла ў Ватыкане.

Малітоўная ініцыятыва была абвешчана 2 мая спецыяльным паведамленнем Камітэту па рэалізацыі мэтаў “Дэкларацыі аб братэрстве паміж людзьмі, міры ў свеце і агульным суіснаванні”.

Беларуская рэдакцыя Vatican News