Пантыфік не выключае візіту ў Кіеў

Вітаючы журналістаў на борце самалёта на шляху ў Мальту, Папа Францішак прызнаўся, што разглядае магчымасць паездкі ў Кіеў.

Як звычайна, падчас палёту Папа адзін за адным прывітаў больш за 70 журналістаў, якія суправаджаюць яго ў паездцы, і абмяняўся з імі некалькімі словамі.

Супрацоўнік амерыканскага тэлебачання NBC NEWS Клаўдыё Лаванга задаў Пантыфіку пытанне аб магчымасці яго візіту ў Кіеў. Святы айцец адказаў, што такая прапанова “ляжыць на стале”. Аб гэтым напісаў сам журналіст, які ўваходзіць у папскі прэс-пул, у сваім Twitter.

У апошнія тыдні Папа Францішак атрымаў лісты з запрашэннямі ва ўкраінскую сталіцу, у тым ліку ад мэра Віталя Клічко.

Кс. Аляксандр Амяльчэня, беларуская рэдакцыя Vatican News

для друку для друку

Веснік-відэа

Варта паглядзець

Святыя заступнікі