У Будславе адбудзецца святкаванне Сусветнага дня Дзіцяці

1 чэрвеня ў Будславе адбудзецца святкаванне Сусветнага дня Дзіцяці, што ў гэтым годзе спалучана са штогадовай сустрэчай дзяцей, якія сёлета прыступілі да Першай святой Камуніі, паведамляе catholic.by.

Папа Францішак запрасіў дзяўчынак і хлопчыкаў сустрэцца ў Рыме 25-26 мая 2024 года, а каб добра падрыхтавацца, рэкамендаваў ім маліцца словамі Езуса – прамаўляць «Ойча наш» кожную раніцу і кожны вечар, па магчымасці ў сям’і, з бацькамі, братамі, сёстрамі, бабулямі і дзядулямі. У пасланні да дзяцей прапанаваў дзецям сваю малітву: “Прыйдзі, Дух Святы, пакажы нам сваю прыгажосць, якая адлюстроўваецца ў абліччах дзяўчат і хлопцаў зямлі. Прыйдзі, Езус, Які чыніш усё новае, Які ёсць дарогай, што вядзе нас да Айца, прыйдзі і заставайся з намі. Амэн”.

Арганізатары запрашаюць дзяцей з усіх дыяцэзій Беларусі.

Праграма:

  • 10.00 — рэгістрацыя
  • 11.00 — прывітальнае слова
  • 11.15 — святая Імша
  • 12.30 — гісторыя будслаўскай святыні
  • 13.00 — абед
  • 13.45 — забаўляльная праграма
  • майстар-класы для дзяцей з асаблівасцямі
  • 15.00 — Вяночак да Божай Міласэрнасці
  • благаслаўленне Мітрапаліта Мінска-Магілёўскага арцыбіскупа Юзафа Станеўскага

Для ўдзелу парафіяльнай групай трэба абавязкова зарэгістравацца:

З пытаннямі звяртацца на пошту: samaranin24@gmail.com
альбо па тэлефоне: +375 (44) 770 09 01

для друку для друку