Святы Айцец прымае віншаванні з 86-годдзем

Аднымі з першых віншаванні з нагоды дня нараджэння Францішку склалі біскупы Аўстрыі, якіх ён прыняў на аўдыенцыі 16 снежня 2022 года у рамках візіту ad limina Apostolorum.

Іерархі падарылі Пантыфіку копію драўлянай фігуркі Багародзіцы з Дзіцяткам Езусам, якая ўшаноўваецца ў марыйным аўстрыйскім санктуарыі ў Марыяцэле, шакаладны торт і праспявалі святочны спеў на нямецкай мове.

Хорхэ Марыё Бэрголіа нарадзіўся 17 снежня 1936 года ў Буэнас-Айрэсе. Дзень нараджэння ён звычайна святкуе проста – у Ватыкане не праводзяцца спецыяльныя мерапрыемствы, Папа прымае дэлегацыі згодна са сваім звычайным графікам. Вядома, гэта становіцца шчаслівай нагодай для гасцей Пантыфіка, каб скласці яму віншаванні і падзякаваць за служэнне.

Аляксандр Панчанка, беларуская рэдакцыя Vatican News