Святы Айцец паступова аднаўляецца пасля аперацыі

Рымская Бальніца імя Агасціна Джэмэлі

Дзень Папы Францішка прайшоў спакойна, з чаканым клінічным курсам. Аналізы крыві здавальняючыя, працягваецца прызначанае лячэнне. Ён паступова аднаўляе працу і працягвае шпацыраваць па калідоры.

Як паведаміла Зала Друку Святога Пасаду, 9 ліпеня 2021 г. Пантыфік цэлебраваў св. Імшу ў прыватнай капліцы, а ўвечары абедаў з тымі, хто дапамагае яму ў гэтыя дні.

“Папа, асабіста адчуўшы чалавечую адданасць медыцынскага і санітарнага персаналу, які аказвае яму дапамогу, звярнуўся з асаблівай думкай да ўсіх тых, хто клапатліва і спагадліва выбірае аблічча пакут, уступаючы ў асабістыя адносіны з хворымі, асабліва самымі слабымі і ўразлівымі”, — гаворыцца ў афіцыйнай заяве Святога Пасаду, распаўсюджанай 10 ліпеня 2021 г.

Нагадаем, тыдзень таму ў рымскай клініцы Джэмэлі Папе Францішку была зроблена планавая хірургічная аперацыя на тоўстай кішцы.

Кс. Аляксандр Амяльчэня, беларуская рэдакцыя Vatican News