Вернікі з Мінска і Навагрудка супольна перажылі рэкалекцыі Альфа-курса

15-17 сакавіка пры касцёле Святога Арханёла Міхала адбыліся рэкалекцыі Альфа-курса. У рэкалекцыях прынялі ўдзел арганізатары і слухачы евангелізацыйнага курса, які праходзіў у Навагрудку пры парафіі Святога Арханёла Міхала і ў Мінску пры парафіі Найсвяцейшай Тройцы (Залатая Горка).

У рэкалекцыях прыняло ўдзел больш за 80 чалавек.

Духоўныя практыкаванні, якія правёў пробашч парафіі ў Навагрудку, кс. Юрый Жэгарын, былі прысвечаныя асобе Духа Святога і Яго дзеянню сярод свайго народа і былі пэўным духоўным падсумаваннем у пазнаванні асноў хрысціянства (керыгма).

Праграма рэкалекцый прадугледжвала ўдзел у Св. Імшы, усёночнай Адарацыі Найсвяцейшага Сакраманту і адарацыі з малітвай-просьбай аб напаўненні Духам Святым сэрца кожнага верніка, удзел у канферэнцыях пра Духа Святога, малітвах праслаўлення і дзяленнем сведчаннямі.

Дамінік Запаснік, тэкст;

Вераніка Чэрнік, фота.

 для друку