У Навагрудку пройдзе курс “Абаронца веры”

7 кастрычніка ў Навагрудку будуць прадоўжаны сустрэчы курса “Абаронца веры” (Fidei Depositum), якія распачаліся ў мінулым годзе.

Курс разлічаны на ўсіх хрысціянаў, асабліва католікаў, якія жадаюць паглыбіць свае веды ў галіне гісторыі Касцёла, фундаментальнага багаслоўя, новых рэлігійных рухаў, у сучасных маральных праблемах, асабліва ў гендэрнай ідэалогіі і акультызме.

Мэта курсу — паглыбіць хрысціянскі светапогляд вернікаў сярод распаўсюджвання розных антыхрысціянскіх сістэм і плыняў у грамадстве і дапамагчы праз набытыя веды супрацьстаяць духу і спакусам гэтага свету.

Тэмы, якія будуць разглядацца:

  • выбраныя тэмы з гісторыі Касцёла: крыжовыя паходы, інквізіцыя, контрэфармацыя, багацці Касцёла, беспамылковасць Рымскага Пантыфіка і некаторыя іншыя;
  • выбраныя тэмы з фундаментальнай тэалогіі: верагоднасць Божага Аб’яўлення, верагоднасць Касцёла, паняцце цуду;
  • новыя рэлігійныя рухі: новыя пратэстанцкія плыні, рэлігійны сінкрэтызм, сучасныя секты;
  • маральнае багаслоўе: маральны індыферэнтызм, праявы секулярнага грамадства, гендэрная ідэалогія і іншыя;
  • філасофія: вытокі сучасных ідэалогій, праявы гэтых ідэалогій у грамадстве, культуры, літаратуры, СМI;
  • багаслоўе духоўнасці: асновы духоўнага жыцця хрысціяніна;
  • небяспекі акультызму.

Курс дае магчымасць удзелу ў дыскусійных сустрэчах з цікавымі людзьмі. Яго неад’емнай часткай з’яўляецца супольная малітва: святая Імша і адарацыя Найсвяцейшага Сакрамэнту.

Сустрэчы пройдуць:

  • 7-9 кастрычніка,
  • 25-27 лістапада,
  • 9-11снежня,
  • 20-22 студзеня.
для друку для друку