У Навагрудку адбудзецца малітва за спачылага кс. Леаніда Несцюка і канцэрт-прэзентацыя яго кнігі

20 лістапада ў касцёле Святога Арханёла Міхала ў Навагрудку будзе цэлебравацца Святая Імша, за душу святой памяці кс. Леаніда Несцюка, былога пробашча парафіі ў Гервятах. Набажэнства пачнецца ў 15:00.

Пасля малітвы адбудзецца канцэрт і прэзентацыя кнігі-біяграфіі “Вялікая душа маленькай парафіі”.

Мерапрыемства ладзіцца з ініцыятывы сяброў, знаёмых і проста ўдзячных людзей за ўклад, які быў зроблены кс. Леанідам Несцюком у аднаўленне касцёла і вяртанне яму велічы найпрыгажэйшага касцёла ў Беларусі.

На мерапрыемства запрашаюцца ўсе вернікі, якія жадаюць памаліцца за спачылага святара і аддзячыць Богу за яго руплівасць.

Падчас прэзентацыі будзе магчымасць набыць кнігу-біяграфію.