“Не бойцеся! Ведаю, што вы шукаеце Езуса ўкрыжаванага. Яго тут няма, Ён уваскрос, як сказаў” (Мц 28, 5-6) Паважаныя браты і сёстры ў Хрысце, шаноўныя суайчыннікі! Напружанасць у міжлюдcкіх адносінах нярэдка абуджае пытанне светапогляду чалавека. Хто я, навошта жыву, які сэнс у тым, што адбываецца са мной і навокал, што мяне чакае ў будучым? Сярод гэтых пытанняў важнае месца займае ...

“Зорка Бэтлеема” – фестываль, які ў далёкім 2002 годзе першы раз адчыніў дзверы таленавітай моладзі. Гэтая моладзь прыязджала ў Мёры падзяліцца сваімі талентамі, каб праз спевы і вершы, праз танец і ігру на музычных інструментах праславіць Нованароджанага Збаўцу. Вось і 4 студзеня 2023 года маладыя выканаўцы з розных куточкаў Беларусі прыбылі ў Мёры, дзе чарговы раз праходзіла “Зорка Бэтлеема”. Напачатку ...

Паважаныя браты і сёстры ў Хрысце, шаноўныя людзі добрай волі! “І нарадзіла Сына свайго першароднага. Спавіла Яго і паклала ў яслі, бо не было ім месца ў заездзе” (Лк 2,7). Такім простым сказам, радасным і адначасова сумным, перадае Святое Пісанне праўду пра выключную ў гісторыі падзею – нараджэнне Божага Сына. Радасным, бо нарадзіўся Першынец, Той, на Якім споўніліся старадаўнія прароцтвы, ...

16 кастрычніка 2022 года ў парафіяльны касцёл Святой Тройцы былі ўнесены рэліквіі благаслаўлёнай сястры Марыі Стэлы і дзесяці яе паплечніц назарэтанак — мучаніц з Навагрудка, якія загінулі ад рук гітлераўцаў. Рэліквіі расстраляных нацыстамі сясцёр, якія былі абвешчаны благаслаўлёнымі, ад імя Кангрэгацыі Найсвяцейшай Сям’і з Назарэта перадала Глыбоцкай парафіі сястра Лаўра Шукеловіч CSFN. Усіх прысутных прывітаў пробашч парафіі ксёндз Мікалай Ціхановіч, ініцыятар ...

Паважаныя браты і сёстры ў Хрысце, шаноўныя суайчыннікі! “У Ягонае Імя павінна абвяшчацца пакаянне дзеля адпушчэння грахоў усім народам, пачынаючы ад Ерузалема” Лк 24,47 Уваскрасенне Езуса Хрыста, якое ў гэты час мы перажываем, не пазначана сёлета ўзнёслай радасцю, якая звычайна спадарожнічае гэтаму святу – галоўнай падзеі, з каторай чэрпае сваю моц і абгрунтаванне хрысціянская вера. Не таму, што яна нібыта ...

Віцебск, Божае Нараджэнне 2021г. Дарагія браты і сёстры ў Хрысце, людзі добрай волі! Надзея займае адметнае месца сярод духоўных рысаў чалавека. Бо пакуль яна існуе, мы гатовыя пераносіць нават вялікія выпрабаванні. Таму так важна, каб яна была моцнай. Асабліва зараз, калі свет усё яшчэ стаіць перад выклікам пандэміі, калі між краінамі трывае напружанасць, а спакой застаецца ўсё яшчэ толькі нашай ...

З 25 па 27 сакавіка ў парафіі Святой Тройцы ў Глыбокім (Віцебская дыяцэзія) праходзяць духоўныя практыкаванні перад святам Уваскрасення Пана. Праводзіць рэкалекцыі айцец езуіт Віктар Жук, пробашч парафіі Святога Уладзіслава ў Віцебску. Запрашаем да прагляду рэкалекцыйных навук і больш дасканалай падрыхтоўкі да велікодных святаў. Дзень 1.  Дзень 2. Дзень 3. Леанід Юрык, відэа

Дарагія браты і сёстры ў Хрысце, паважаныя суайчыннікі! Ужо хутка адыдзе ў гісторыю чарговы год нашага жыцця. Год 2020-ы. Нам вельмі хацелася б, каб разам з ім адышлі ў гісторыю і больш не вярталіся тыя цяжкасці і праблемы, якія ён нам прынёс. Мы молім аб гэтым Бога і спадзяёмся, што нас не пакіне. Таму з вялікай надзеяй сустракаем свята Яго ...

З 18 па 20 снежня ў Глыбоцкай парафіі Святой Тройцы праходзяць адвэнтавыя рэкалекцыі. Праводзіць кс. Віталь Стрыга, пробашч у Крупках (Мінска-Магілёўская архідыяцэзія). Для тых, хто не можа прымаць удзел у духоўных практыкаваннях, запрашаем да прагляду відэазапісаў рэкалекцыйных навук. Няхай гэты час стане плённым перажываннем і падрыхтоўкай да свята Божага Нараджэння.

Урачыстасць адбылася ў нядзелю, 16 жніўня, калі парафія традыцыйна адзначае адпуст, звязаны з успамінам святога Роха. На свяце прысутнічалі шмат святароў, кансэкраваных асобаў, парафіян і гасцей урачыстасці. Ганаровымі ўдзельнікамі свята сталі біскуп Віцебскі Алег Буткевіч і Мітрапаліт Мінска-Магілёўскі Тадэвуш Кандрусевіч. Свята адчувалася нават пры пад’ездзе ці падыходзе да храма: тут можна было набыць іконы, хрысціянскія сувеніры, а таксама слодычы і ...