Праваслаўны святар Аляксандр Кухта: “Хрысціянства – рэлігія моцных”

Пра гэта айцец Аляксандр распавядае ў сваім чарговым відэароліку, дзе ён разважае пра ролю каталіцкага кардынала ў найноўшай гісторыі Філіпін.

“Хрысціянства, – гэта рэлігія тых, хто можа браць на сябе адказнасць і прымаць рашэнні, – сцвярджае святар, – рэлігія тых, хто здольны несці адказнасць за наступствы.”

Айцец Аляксандр Кухта завёў відэаблог “Batushka ответит” у пачатку 2016 года. У ім ён разважае пра веру, свабоду, вайну і іншыя тэмы. Блог у хуткім часе стаў вельмі папулярным, зараз на ім тысячы падпісчыкаў.