У вёсцы Урбаны, што знаходзіцца ў Браслаўскім раёне, 5 лютага адбылася нядзельная святая Імша, падчас якой была асвечана фігурка Маці Божай.
Яе парафіянам ахвяраваў пробашч дыяцэзіяльнага санктуарыя Станіслаў Мжыглуд у дар ад Браслаўскай парафіі.
Перад асвячэнненем фігуры вернікі са святаром памаліліся літаніяй да Найсвяцейшай Панны Марыі і даручылі сябе апецы Маці Божай Валадарцы азёраў.
Святар заахвоціў вернікаў звяртацца ў сваіх малітвах да Маці Божай. Падкрэсліў, што прыклад Марыі, якая цярпела разам з Хрыстом, дапаможа перамагаць шматлікія праявы зла ў сучасным свеце.
для друку