Міцкевічаўскія чытанні пройдуць у Навагрудку

18 мая ў 11:00 пры касцёле Святога Міхала Арханёла ў Навагрудку адбудуцца Міцкевічаўскія чытанні, якія будуць праходзіць з нагоды 220-годдзя вялікага паэта і земляка Навагрудчыны.

Міцкевічаўскія чытанні збяруць людзей культуры Навагрудчыны і ўсіх, хто захапляецца яго творчасцю. Будуць прачытаны ўрыўкі з “Пана Тадэвуша”, “Дзядоў” і шмат іншых твораў вядомага класіка літаратуры, якія прагучаць на беларускай і польскай мовах.