Летняя школа касцельнага спеву пройдзе ў Браславе ў жніўні

З 15 па 20 жніўня 2022 года ў Браславе адбудзецца летняя школа касцельнага спеву, паведамляе waladarka.by. Мастацкі кіраўнік — Уладзімір Неўдах.

У праграме:

1. Пастаноўка голасу для харыстаў і кантараў.
2. Супольны харавы спеў.
3. Тэорыя і практыка касцёльнага спеву.
4. Арганнае суправаджэнне.

Літургічны курс прызначаны для людзей, якія жадаюць выконваць музычнае служэнне падчас цэлебрацыі святой Імшы. Ён будзе ўключаць заняткі з тлумачэннем сэнсу Літургіі ў цэлым, ходу і сэнсу святой Імшы, прынцыпаў правільнага падбору рэпертуару.

Прыняць удзел у тыдні касцёльных мерапрыемстваў запрашаем усіх, каму падабаецца касцёльны спеў і музыка. Музычная адукацыя не абавязкова, узрост не абмежаваны.

Рэгістрацыя ўдзельнікаў 15 жніўня ад 15 гадзіны (будынак насупраць касцёла). Пачатак заняткаў а 17 гадзіне.

Удзельнікі атрымаюць неабходны нотны матэрыял. Арганізатары забяспечваюць начлегі і харчаванне.

Ахвяра — 50 рублёў.

Нашы настаўнікі:

• Літургіка – кс. Юрый Жаўняровіч
• Арган – Нэлія Баравік
• Вакал – Вольга Янум

Па пытаннях удзелу і запісу просім звяртацца не пазней 6 жніўня: +37529 715-73-42 — Іна Сапун, agniinna@mail.ru

 для друку