«Як стаць разумным?»: з 21 па 23 студзеня ва Уселюбе адбудуцца рэкалекцыі

Святы Ян кажа аб тым, што вы, юнакі, можаце мець сілу, вы можаце перамагчы злога (1 Ян 2,14). Дзе ўзяць сілу? Што для гэтага трэба? Аднак, сіла не складаецца толькі з самой сілы. Ёсць яшчэ адзін важны элемент, ад якога будзе залежаць эфектыўнасць нашага жыцця. Гэты элемент праходзіць па ўсёй кнізе Прыпавесцяў.

У гэтай серыі рэкалекцый арганізатары звернуць увагу на дамінуючую тэму, якой цар Саламон пачынае кнігу Прыпавесцяў. Гэта тэма – практычная, асабістая мудрасць жыцця, як навучыцца перамагаць.

Праводзіць рэкалекцыі кс. Віталій Цыбульскі, пробашч парафіі Св. Казіміра ва Ўселюбе.

Пачатак: 21 cтудзеня, пятніца, 19.00,
Заканчэнне: 23 cтудзеня, нядзеля, 13.30.

Каля касцёла знаходзіцца Дом Пілігрыма, дзе можна пераначаваць і атрымаць трохразовае харчаванне.

Адрас: касцёл святога Казіміра, вул. Чырвонаармейская, 20, а.г. Уселюб, Навагрудскі раён, Гродзенская вобласць

Кантакт для атрымання дадатковай інфармацыі і запісу:
+375 (29) 280-05-45
casimir1433@gmail.com