“Эўхарыстыя ў жыцці верніка”: дыскусійная сустрэча адбылася ў Навагрудку

20 снежня пры парафіі Св. Міхала Арханёла ў Навагрудку адбылася дыскусійная сустрэча вернікаў, прысвечаная разважанню на тэму “Эўхарыстыя ў жыцці верніка”.

Ініцыятарам правядзення дыскусійнага стала выступіла рэдакцыя часопіса “Дыялог” на чале з братам Корнэлям Консэкам.

У сустрэчы прыняло ўдзел 10 чалавек, якія дзяліліся сведчаннем, чым асабіста для іх з’яўляецца ўдзел у Эўхарыстыі і як яны перажываюць святую Імшу.

Вядучы дыскусійнага стала кс. Юрый Жэгарын зрабіў асаблівы акцэнт на літургічныя жэсты, а таксама на значэнне слоў. Шмат часу ў дыскусіі было прысвечана падрыхтоўцы верніка да поўнага перажывання літургіі Найсвяцейшай Ахвяры.

Анна Антоненка, тэкст;

Бр. Корнэль Консэк, фота.

 для друку