Каталіцкі Веснік Добрая Вестка ў тваім доме!
Мужчынскі Ружанец, які ўзнік у Варшаве ў 2018 годзе, стаў адной з найбольш вядомых мужчынскіх малітоўных ініцыятыў у Польшчы. З часам ён распаўсюдзіўся за межы краіны і дасягнуў многіх краін свету. Арганізатары падкрэсліваюць, што ён не мае палітычнага характару, а хутчэй з’яўляецца адказам на сучасныя духоўныя выклікі.
Першая сустрэча Мужчынскага Ружанца адбылася 7 красавіка 2018 года ў санктуарыі Маці Божай Ласкавай. Адтуль удзельнікі выйшлі на вуліцы горада, публічна адмаўляючы Ружанец у рамках набажэнстваў Першай суботы.
Ідэя ўзнікла ў мужчынскай супольнасці св. Яна Паўла II у варшаўскім раёне Бэмова. З самага пачатку кіраўнік ініцыятывы Ян Сеніцкі падтрымліваў яе развіццё, а яе ініцыятар Артур Вольскі падкрэсліваў, што мэтай было аб’яднанне мужчын вакол узнагароджання Беззаганнаму Сэрцу Марыі і адказ на фацімскі заклік.
Колькасць удзельнікаў павялічвалася з кожным месяцам.
Нягледзячы на тое, што спачатку ўзнікалі пытанні аб даўгавечнасці гэтай ініцыятывы, з часам яна пачала прыцягваць усё больш і больш мужчын. Удзельнікі рэгулярна збіраліся на малітву незалежна ад надвор’я ці пары года, і мерапрыемства набыло вядомасць дзякуючы сацыяльным сеткам і асвятленню ў каталіцкіх СМІ.
У наступныя гады Мужчынскі Ружанец пачаў з’яўляцца ў іншых польскіх гарадах, а пазней і за мяжой. Ініцыятыва дасягнула многіх краін Еўропы, Амерыкі і Аўстраліі.
Гаворка ідзе не толькі пра малітву, але і пра фармацыю
Фармацыйны аспект застаецца найважнейшым элементам гэтай ініцыятывы. Удзельнікі разглядаюць Мужчынскі Ружанец не толькі як публічнае сведчанне веры, але і як шлях да асабістага навяртання і духоўнай трансфармацыі. Арганізатары падкрэсліваюць, што мэта — распаўсюджваць набажэнства да Маці Божай і рэалізоўваць фацімскага паслання.
deon.pl
Пераклад Марыны Ткач
для друку
