У Баранавічах пройдуць «Выходныя з Францішкам»

З 19 па 21 красавіка 2026 г. браты капуцыны і Францішканскі ордэн свецкіх запрашаюць на асаблівы духоўны досвед — “Выходныя з Францішкам”, якія пройдуць у Баранавічах (Пінская дыяцэзія).

Паводле інфармацыі арганізатараў, гэтыя дні маюць стаць часам для таго, каб разам у францішканскім духу перажываць велікодную радасць, зведваючы прыгажосць быцця хрысціянамі і паглыбляючыся ў евангельскім жыцці паводле духоўнасці святога Францішка Асізскага.

Праз малітву, спеў, слуханне Слова, працу ў групах і супольнае праслаўленне ўдзельнікі будуць мець магчымасць наблізіцца да сябе, да Бога, да іншага чалавека і свету вакол.

Пачатак: 19 красавіка (нядзеля), у 19:00.

Узрост удзельнікаў: 18+ (дарослыя і сем’і з дзецьмі).

Месца: Баранавічы, вул. Шаўчэнкі 6 (Дом айцоў вербістаў).

Дата: 19-21 сакавіка 2026 года.

Ахвяраванне за ўдзел: 100 руб.

Для прыняцця ўдзелу ў духоўным мерапрыемстве абавязвае папярэдні анлайн-запіс ТУТ>> .

Колькасць месцаў абмежаваная.

Па ўсіх пытаннях адносна ўдзелу можна звяртацца па тэлефонe: +375(29) 948-19-06 — брат Вадзім Войцік OFMCap.