Каталіцкі Веснік Добрая Вестка ў тваім доме!
Семінарыя ў Гродне існуе ўжо больш за 30 гадоў і клапоціцца пра тое, каб Касцёлу на Беларусі служылі верныя, адданыя пастыры. Будучы вышэйшай навучальнай установай Рыма-Каталіцкага Касцёла, яна дае неабходныя веды і развівае якасці, патрэбныя для плённага служэння людзям і Касцёлу як святар.
На дадзены момант працэс падрыхтоўкі да святарства паводле новага Ratio Fundamentalis Institutionis Sacerdotalis ад 8 снежня 2016 года працягваецца сем гадоў, уключаючы інтэгральную фармацыю розных сфер асобы: чалавечую, духоўную, інтэлектуальную і пастырскую.
У працэсе падрыхтоўкі семінарысты ўзрастаюць у веры, будуюць сваё духоўнае жыццё праз розныя аскетычныя практыкі і пазнаюць сябе як чалавека на розных узроўнях; вывучаюць філасофскія і тэалагічныя прадметы, а таксама класічныя і замежныя мовы, дапаможныя дысцыпліны. Акрамя духоўнага фармавання і інтэлектуальнай падрыхтоўкі, прадугледжана літургічная практыка ў парафіях. Пасля заканчэння сямігадовай фармацыі студэнт семінарыі мае права звяртацца да біскупа з просьбай аб удзяленні яму пасвячэння.
Абітурыент, які паступае ў семінарыю, павінен быць практыкуючым католікам (не менш за тры гады) і валодаць якасцямі, неабходнымі для будучага святарскага служэння.
Абітурыент павінен прадставіць наступныя дакументы:
- уласнаручна напісаная заява аб прыняцці ў семінарыю з матывацыяй свайго рашэння (узор заявы тут>>);
- уласнаручна напісаная аўтабіяграфія;
- атэстат аб сярэдняй адукацыі альбо дыплом аб заканчэнні іншай навучальнай установы;
- сертыфікаты двух ЦЭ (цэнтралізаваных экзаменаў) з колькасцю балаў – не менш за 30; калі ёсць сертыфікат з ЦТ па іншым прадмеце, можна прадставіць і яго;
- пасведчанне аб хросце;
- пасведчанне аб канфірмацыі;
- пасведчанне аб удзеле ў катэхезе;
- характарыстыка ад пробашча;
- характарыстыка ад катэхета;
- медыцынская даведка для паступлення ў ВНУ;
- пашпарт і яго ксеракопія (старонкі 31–33);
- ваенны білет або прыпісное пасведчанне (яго ксеракопія);
- 4 фотаздымкі (3х4 см).
Прыём дакументаў:
У рэктараце семінарыі ў Гродне:
па папярэднім запісе па тэл.: +375 15 262 22 22.
Адрас: г. Гродна, вул. Парыжскай Камуны, 1А.
Дакументы прымае дзяжурны святар.
З пытаннямі звяртацца па тэлефонах:
+375 29 588-22-97 – кс. Віталь Вайцяхоўскі, рэктар
+375 29 782-60-95 – кс. Ян Раманоўскі, прэфект
+375 33 325-43-08 – кс. Павел Скуба, мадэратар прапедэўтычнага перыяду.
У Мінска-Магілёўскай архідыяцэзіі:
па папярэднім запісе па тэл.: +375 29 684 09 75 (акрамя нядзеляў і ўрачыстасцяў).
Адрас: г. Барысаў, вул. Гагарына, 115.
Дакументы прымае кс. кан. Аляксей Раманчук.
У Віцебскай дыяцэзіі:
па папярэднім запісе па тэл.: +375 29 884 54 82 (акрамя нядзеляў і ўрачыстасцяў).
Адрас: Віцебская вобл., г. Глыбокае, вул. Савецкая, 1.
Дакументы прымае кс. кан. Мікалай Ціхановіч.
У Пінскай дыяцэзіі:
па папярэднім запісе па тэл.:
+375 29 727 31 98 – кс. Андрэй Рылка;
+375 29 850 23 01 – кс. Чэслаў Ладыка.
Адрас: Брэсцкая вобл., г. Пінск, вул. Леніна, 16.
Уступны экзамен для абітурыентаў з усіх дыяцэзій адбудзецца ў семінарыі 9 жніўня.
7 жніўня, 18.00 – прыбыццё (прадугледжаны начлег для абітурыентаў);
8 жніўня – падача дакументаў;
9 жніўня, 10.30 — экзамен.
Адрас семінарыі: г. Гродна, вул. Парыжскай Камуны, 1А.
для друку
