Каталіцкі Веснік Добрая Вестка ў тваім доме!
З моманту шпіталізацыі Папы Францішка назіраецца значны рост колькасці лістоў, якія прыходзяць на яго імя. Пантыфік знаходзіцца ў клініцы “Джэмэлі” з 14 лютага 2025 года.
Паводле даных італьянскай пошты, аб’ём карэспандэнцыі павялічыўся да 150 кг у дзень. Гэтыя лісты, часта суправаджаюцца малюнкамі і прыходзяць з усяго свету. Яны праходзяць складаны шлях, перш чым дасягаюць свайго адрасата.
Кожны ліст, адпраўлены Святому Айцу, спачатку трапляе ў сартавальны цэнтр у Ф’юмічына, дзе праходзіць праверку бяспекі і рэгіструецца ў аўтаматызаванай сістэме. Пасля гэтага “пошта Папы” адпраўляецца ў размеркавальны цэнтр на поўначы Рыма, які таксама абслугоўвае клініку “Джэмэлі”. Там карэспандэнцыя яшчэ раз сартуецца і класіфікуецца для перадачы так званым “важным кліентам”, у лік якіх уваходзіць і шпіталь, дзе знаходзіцца Папа.
Маленькія пацыенты ватыканскай педыятрычнай бальніцы «Бамбіна Джэзу» таксама падтрымліваюць Папу Францішка, які, як і яны, праходзіць лячэнне.
У гэтыя дні плынь лістоў да Папы Францішка асабліва ўзмацнілася. “Гэта кранальна – бачыць лісты з усіх куткоў свету, адрасаваныя Святому Айцу ў такі складаны для яго час. Гэта выраз вялікай любові і падтрымкі”, — падкрэсліў у спецыяльнай заяве кіраўнік рымскага паштовага размеркавальнага цэнтра Андрэа Дзі Тамаза.
Аляксандр Панчанка, беларуская рэдакцыя Vatican News
для друку
