Каталіцкі Веснік Добрая Вестка ў тваім доме!
22 ліпеня ў санктуарыі Маці Божай Каралевы нашых сем’яў у Тракелях (Гродзенская дыяцэзія) адбыўся конкурс аматараў рыбнай лоўлі.
Пасля таго як каманды прайшлі рэгістрацыю, у тракельскім касцёле адбылася святая Імша ў інтэнцыі ўдзельнікаў, якую цэлебраваў кусташ санктуарыя кс. канонік Юрый Бяганскі.
Затым распачалося воднае паляванне, у якім на працягу дзвюх гадзін спаборнічалі рыбаловы з Гродна, Ліды, Іўя, Геранёнаў, Радуні, Дворышча, Бакштаў, саміх Тракеляў, а таксама з Мінска-Магілёўскай архідыяцэзіі.
Усяго на спаборніцтвах лавілі з 70 вудаў. Самай вялікай была каманда Геранёнаў на чале з кс. Дзмітрыем Несцерам, пробашчам мясцовай парафіі св. Мікалая, біскупа. Гэтая каманда вылавіла 24 рыбы.
Вынікі конкурсу ў намінацыі “самая вялікая вылаўленая рыба”:
1. сям’я Лаўкель (Ліда): 1455 г;
2. сям’я Тулько (Гродна): 780 г;
3. Мар’ян Урбановіч (Тракелі): 495 г.
Кусташ санктуарыя павіншаваў пераможцаў, уручыўшы ім медалі і дыпломы. Прыемным бонусам конкурсу было тое, што ўся злоўленая рыба засталася рыбакам.
для друку
