Каталіцкі Веснік Добрая Вестка ў тваім доме!
У апошні тыдзень ліпеня ў Івянцы традыцыйна пройдзе Музычная Майстэрня — імпрэза для музыкаў, якія жадаюць праславіць Бога праз свае таленты.
22-28 ліпеня парафія святога Міхала Арханёла і айцы францішкане чакаюць моладзь у Івянцы (Мінска-Магілёўская архідыяцэзія) на ХХ юбілейную Музычную Майстэрню, якая пройдзе пад дэвізам “На пачатку было Слова…”
Удзельнікі будуць мець магчымасць наведваць майстар-класы па ігры на розных музычных інструментах, тэатральным мастацтве, сцэнаграфіі, а таксама далучацца да шматасабовага хору, які штодзённа ўпрыгожвае святую Імшу літургічнымі спевамі. Важнай часткай насычанай праграмы таксама з’яўляюцца канферэнцыі і супольныя вечары, падчас якіх у ўдзельнікаў будзе магчымасць паказаць свае таленты і бліжэй пазнаёміцца адно з адным.
Музычная Майстэрня — гэта перш за ўсё інтэнсіўная праца і выдатная магчымасць праславіць Бога праз гучны супольны спеў, таму арганізатары звяртаюць увагу на важнасць актыўнага ўдзелу ў малітве і рэпетыцыях. Досвед супольнага спеву вітаецца, але не з’яўляецца абавязковым.
Умовы ўдзелу:
- Узрост удзельнікаў: ад 14 гадоў (непаўналетнім патрэбны пісьмовы дазвол ад бацькоў і паўналетні апякун).
- Кошт удзелу: 50 рублеў.
- Па магчымасці будзе арганізаваны начлег у парафіян, але з сабой удзельнікам неабходна мець спальнік і турыстычны дыванок, намёт.
- Для ўдзельнікаў прадугледжана гарачае харчаванне на працягу дня і душ.
- Форма для рэгістрацыі >> (абавязковая перад прыездам)
Больш падрабязную інфармацыю можна знайці ў сацыяльных сетках Майстэрні: Instagram, Telegram.
Yani.Oganz, фота
для друку
