Каталіцкі Веснік Добрая Вестка ў тваім доме!
Калі ты працуеш або вучышся, то ведаеш, як важна правільна арганізаваць час: ты разлічваеш, плануеш дзень, абдумваючы, колькі хвілін прысвяціць яго асобным элементам. Можна падобным чынам упарадкаваць свае адносіны з Богам? Пераканайся!
Прапанаваны пералік — гэта не дэталёвыя ўказанні; ты не знойдзеш тут рэкамендацый, колькі часу прысвяціць той ці іншай справе. Аднак важна, каб яны патрапілі да твайго штодзённага плана. Пачні спакойна выконваць асобныя элементы; неўзабаве гэта не запатрабуе празмернай канцэнтрацыі — гэта стане звычкай.
- Пачні дзень з малітвы да Маці Божай і чытання Святога Пісання
Гучыць банальна? Але, пагадзіся, раніца — гэта горшая частка дня: пад’ём, будзільнік, абудзіць дзяцей, мужа, сабака, які хоча выйсці на вуліцу, сняданак, мыццё, цяжкі выбар бездакорнага адзення і транспарт, які не прыходзіць своечасова. Наогул, гэты час спешкі, і даданне сабе новых абавязкаў — не лепшая ідэя. Паспрабуй, аднак, знайсці 5 хвілін і вельмі проста памаліся — прачытай адно «Вітай Марыя …» і два абзаца з Бібліі. Можаш таксама дадаць нешта ад сябе: папрасі аб паспяховы дзень, падзякуй за спакойную ноч, папрасі прабачэння за зло, якое здарылася ўчора. Біблію можна чытаць па парадку, часткамі або згодна з чытаннямі, якія прапануе Касцёл на гэты дзень.
- Будзь прыветлівым з іншымі і самім сабой
Пасля вызвалення з ранішняга хаосу ты нарэшце сустракаешся з акружэннем. Часам гэта надзвычайнай цяжка, але старайся быць прыязным з людзьмі ў аўтобусе, трамваі ці на прыпынку. Не хадзі да працы ў дрэнным настроі і не шукай сваркі з калегамі. Стаўся да іншых так, як хочаш, каб ставіліся да цябе. Будзь у адносінах да сябе цярплівым і спакойным — не патрабуюць занадта шмат, не спрабуй быць ідэальным, пазбягай кар’ерызму. Маеш права памыліцца і прасіць іншых аб дапамозе. Хрысціянская любоў мяркуе, што мы павінны любіць блізкага, як самога сябе. Калі ты сам сабе вораг, то як зможаш зрабіць шчаслівым іншага чалавека?
- Гавары і пішы аб сваёй веры ў сацыяльных сетках
Біскуп Аляксандр Яшэўскі SDB актыўна карыстаецца Фэйсбукам. Фота catholic.by
Фэйсбук, Твітэр і ютуб — гэта выдатная магчымасць падзяліцца сваёй верай з іншымі. Гэта таксама выдатная магчымасць адкрыць іншыя погляды на свет і рэлігію. Ствары блог; распаўсюджвай штодзённыя цытаты з Бібліі або словы вядомых святых, далучыся да дабрачыннай групы і рабі канкрэтныя ўчынкі міласэрнасці і любові да бліжняга падчас працы або вучобы. Хто ведае, магчыма менавіта твае словы суцешаць каго-небудзь ці дапамогуць інакш зірнуць на нейкую праблему.
- Скажы каму-небудзь, што любіш яго
Гэта часам вельмі цяжка, паколькі мы жывем у часы, калі праяўляць свае пачуцці сорамна; часам гэта ўспрымаецца як прыкмета слабасці і можа прычыніць боль. Аднак асабістае перакананне ў існаванні таго, хто мяне любіць, надае сілы і дапамагае змагацца з штодзённымі цяжкасцямі.
Для кожнага хрысціяніна лепшым прыкладам такой паставы з’яўляецца сам Гасподзь, штодня кажа нам: «Люблю Цябе, Ты — мая дачка, Ты — мой сын». Мы адчуваем глыбокую патрэбу ведаць, што ёсць людзі, для якіх мы — важныя, якім да нас не абыякава. Зрабі першы крок і пакажы сваім бацькам (бабулі і дзядулі, мужу ці жонцы, жаніху або нявесце), што свет без іх быў бы жахлівым.
- Гавары пра Бога
Не толькі ў інтэрнэце, але таксама са знаёмымі і калегамі, у школе або ўніверсітэце. Калі гэта праблема для цябе (саромеешся пачаць размову на гэтую тэму), пагавары спачатку з кімсьці, хто верыць так, як ты. Можаце падзяліцца многімі фактамі, аргументамі або звесткамі. Гэта важна, таму што тады ўсвядоміш, што ты не адзін, і спакойна можаш казаць пра тое, што для цябе з’яўляецца важным і істотным.
- Ахвяруй штосьці
Гаворка не ідзе пра вялікія рэчы, але пра дробныя пастановы, табе пад сілу: зрабі сабе менш бутэрбродаў на працу, не слухай музыкі ў аўтобусе, з’еш хлеб, які застаўся з учарашняга дня. Аднак важна, каб такія самаадрачэнні мелі канкрэтную мэту: зэканомленыя сродкі можна выдаткаваць на абед для бяздомнага, а некалькі хвілін цішыні па дарозе дадому прысвяціць размове з Богам пра сённяшні дзень.
- Стань слугой
Не павінен адразу ўвесь дзень займацца дабрачыннай дзейнасцю. Зрабі штосьці нязначнае: вынесі смецце, дапамажы маці прыгатаваць абед, дапамажы старой суседцы данесці сумку з пакупкамі, дапамажы малодшаму брату зрабіць урокі, памый посуд, каб твая жонка магла адпачыць. Варта кожны дзень усведамляць, што ты зрабіў нешта важнае і карыснае.
- Падвядзі вынікі за дзень
Успомні, што табе ўдалося зрабіць з запланаваных рэчаў, а што не. Што ты зрабіў добрага? Або здзейсніў нейкія цяжкія грахі? Падзякуй Богу за ўсё і папрасі сілы на наступны дзень.
Па матэрыялах Credo са спасылкай на Deon.pl
Пераклад catholicnews.by
для друку
