Душпастырства моладзі Віцебскай дыяцэзіі запрашае прыняць удзел у рэкалекцыях на канапе

Па прычыне распаўсюджвання пандэміі каранавіруса ў свеце, душпастырства моладзі Віцебскай дыяцэзіі прапануе новую ініцыятыву для моладзі. Гаворка ідзе пра рэкалекцыі, якія будуць праходзіць у інтэрнэце і маюць адмысловую назву «Рэкалекцыі на канапе».

Рэкалекцыі распачнуцца 30 сакавіка на ютуб канале душпастырства моладзі Віцебскай дыяцэзіі і будуць трываць да 5 красавіка 2020 г.

Кожны дзень будзе з’яўляцца відэа з пэўнымі разважаннямі і заданнямі для ўдзельнікаў інтэрнэт рэкалекцый.

Рэкалекцыі на канапе — гэта сем дзён, якія дапамогуць змяніць сваё жыццё і плённа падрыхтавацца да свята Вялікадня.

Падпісывайцеся на ютуб канал душпастырства моладзі Віцебскай дыяцэзіі і сачыце за паведамленнямі!

Далучайся і ты!

Кс. Алег Хмылко