У Полацку адбылося святкаванне “Андрэек”

26 лістапада ў Полацку адбылося традыцыйнае святкаванне “Андрэек”. На свята сабралася каля 50 чалавек.

У гэты дзень у госці да хлопчыкаў і дзяўчынак завітала Святая Марыя і анёлы. Панна заклікала дзяцей хадзіць на раратнія Імшы, якія ўжо хутка распачнуцца, а таксама рабіць адвэнтовыя пастановы. Разам з маленькімі вернікамі гулялі і танцавалі анёлы.

Цікавым для дзяцей стала заданне, дзе ім неабходна было намаляваць адвэнтовы вянок. Гэтая праца выконвалася з вялікім захапленнем, вакол панавала чароўная атмасфера.

Дамоў кожны вяртаўся з усмешкамі на тварах і добрым настроем. Гэта цудоўнае свята яшчэ надоўга застанецца ў сэрцах дзяцей.

Ірына Чэўжык, тэкст і фота