У Оршы пройдзе біблійны курс «Эмаус»

З 19 па 21 студзеня ў Оршы пройдзе біблійны курс «Эмаус», удзельнікі якога глыбей пазнаюць Божае слова, інфармуе catholic.by.

Гэты курс — не рэкалекцыі, а, хутчэй, заняткі па вывучэнні Бібліі.

Акрамя лекцый, на курсе ёсць таксама практыка малітвы Божым словам. Курс прызначаны найперш для працы па вывучэнні Бібліі, таму неабходна мець з сабой усё тое, што бяруць навучэнцы на заняткі (Біблію, сшытак).

Інфармацыя для ўдзелу

• Пажадана, каб удзельнікі перад пачаткам курсу прачыталі ў Старым Запавеце Кнігі Валaдарстваў.
• Пачатак у пятніцу ў 18.00, заканчэнне ў нядзелю ў 17.30.
• Запіс абавязковы і працягваецца да 17 студзеня, тэлефон: +375 (29) 713-02-33.
• Адказныя за курс: доктар біблейскага багаслоўя Уладзіслаў Валаховіч і айцец Аляксандр Жарнасек МІС.