У Оршы пройдзе біблійны курс «Эмаўс»

З 10 па 12 лютага ў Оршы адбудзецца біблійны курс «Эмаўс», удзельнікі якога глыбей пазнаюць Божае слова.

«Эмаўс» — гэта не рэкалекцыі, а, хутчэй, заняткі па вывучэнні Бібліі. Апроч лекцый, на курсе ёсць таксама практыка малітвы Божым словам.

Курс прызначаны найперш для працы па вывучэнні Бібліі, таму неабходна мець з сабой Святое Пісанне і сшытак. Пажадана, каб удзельнікі найперш прачыталі ў Новым Запавеце Пасланні 1-2 да Цімафея, да Ціта, 1-2 Пятра.

Інфармацыя для ўдзелу:

Пачатак: пятніца ў 18.00; заканчэнне: нядзеля ў 17.30.

Запіс абавязковы да 8 лютага (серада).

Па ўсіх пытаннях звяртацца па нумары тэл.: +375 (33) 661 21 47

Адрас: Орша, вул. Савецкая, 6.

Адказныя за курс: доктар біблійнай тэалогіі Уладзіслаў Валаховіч і а. Ілля Саўчанка МІС.