Каталіцкі Веснік Добрая Вестка ў тваім доме!
Толькі ў 2025 годзе ў Вялікабрытаніі штодня адбывалася ў сярэднім 10 выпадкаў злачынстваў або вандалізму супраць месцаў культу. Па ўсёй краіне было зафіксавана не менш за 3809 злачынстваў супраць цэркваў і іншых месцаў культу. Новыя дадзеныя з Вялікабрытаніі паказваюць, што месцы рэлігійнага пакланення знаходзяцца пад усё большай пагрозай — не толькі з-за занядбанасці, але і з-за пастаяннага росту хвалі злачыннасці.
Дадзеныя былі прадстаўлены 37 з 45 паліцэйскіх упраўленняў — верагодна, што паліцыя недаацэньвае маштаб праблемы.
Яшчэ больш уражвае доўгатэрміновы погляд на дадзеныя. Пачынаючы з 2017 года на рэлігійных аб’ектах было зарэгістравана ў агульнай складанасці 43 853 злачынствы. З іх 17 338 былі крадзяжамі, 12 430 — пашкоджаннем маёмасці або падпаламі, а 5696 — гвалтоўнымі злачынствамі. Гэта не асобныя акты вандалізму, а частка заканамернасці, якая закранае велізарную колькасць месцаў і супольнасцей. Больш выразную карціну характару гэтых інцыдэнтаў можна дае статыстыка за 2025 год.
Улады зарэгістравалі 1561 выпадак крадзяжу і крадзяжу са ўзломам, 1018 выпадкаў вандалізму, пашкоджання маёмасці або падпалу і прыблізна 1000 актаў гвалту. Вандалізм і гвалтоўныя дзеянні разам складаюць большасць злачынстваў: гэта сведчыць аб тым, што праблема выходзіць за рамкі выпадковых крадзяжоў.
Партал Zenit адзначае, што храмы, асабліва ў сельскай мясцовасці, часта належаць да невялікіх групы добраахвотнікаў для абслугоўвання і бяспекі.
Абмежаваныя фінансавыя рэсурсы ў спалучэнні з архітэктурнай адкрытасцю, характэрнай для многіх гістарычных будынкаў, робяць іх лёгкай мішэнню. Нядаўна ўведзены падатак таксама мае ўплыў. Крытыкі сцвярджаюць, што дадатковая фінансавая нагрузка можа запаволіць праекты па рэстаўрацыі і перашкодзіць удзелу валанцёраў, ускосна павялічваючы ўразлівасць гэтых месцаў да злачыннасці.
У многіх населеных пунктах святыні таксама служаць месцам сустрэч, падтрымкі і сімвалам пераемнасці ва ўсё больш фрагментаваным сацыяльным ландшафце. Іх разбурэнне — няхай гэта будзе з-за халатнасці або злачыннай дзейнасці — мае наступствы, якія выходзяць за рамкі рэлігійнай практыкі. Акрамя таго, злачынствы супраць цэркваў не заўсёды разглядаюцца з такой жа тэрміновасцю, як злачынствы супраць іншых відаў інфраструктуры.
credo.pro
Пераклад Марыны Ткач
для друку
