Каталіцкі Веснік Добрая Вестка ў тваім доме!
25 жніўня ў парафіі Святой Тройцы ў Докшыцах вернікі разам з запрошанымі гасцямі сабраліся разам на нядзельную Эўхарыстыю, каб падзякаваць Богу і разам адзначыць 20 год служэння сясцёр Адараторак Крыві Хрыста ў Докшыцкай парафіі.
За час служэння сясцёр, яны сталі сапраўды блізкімі і роднымі. Для моладзі як сёстры, для дзяцей як маці.
Пасля святой Імшы, моладзь і дзеці паказалі кароткую сцэнку, якая распавядала пра жыццё святой Марыі дэ Маціяс — заснавальніцы супольнасці сясцёр Адараторак Крыві Хрыста.
Сапраўды поўная радасць тая, якую ёсць з кім раздзяліць. Так і сёстры, у гэты дзень, адзначылі гэту ўрачыстую падзею разам з дзецьмі, моладдзю, парафіянамі, братамі капуцынамі, якія працуюць у парафіі, прымалі віншаванні і словы ўдзячнасці, разам дзякавалі Богу за дар служэння і прасілі аб благаслаўленні на далейшую працу.
Вікторыя Парцянка, тэкст
Марыя Шульгат, фота
для друку
