Каталіцкі ўніверсітэт ахвяраваў праз Папу Францішка лекі для Танзаніі

Каталіцкі ўніверсітэт Найсвяцейшага Сэрца ахвяраваў праз Папу лекі і медыцынскае абсталяванне. Неўзабаве яны адправяцца ў танзанійскія бальніцы. Нагодай стала 60-годдзе хірургічнага факультэта.

“Тое, што нам здаецца малым жэстам, можа апынуцца вялікай дапамогай”, — падкрэсліў у інтэрв’ю Vatican News рэктар ВНУ, прафесар Франка Анэлі.

Першы з трох траншаў ахвяравання быў перададзены праз Апостальскага элемазінарыя, кардынала Конрада Краеўскага і старшыню Адміністрацыі маёмасці Апостальскай Сталіцы (APSA), арцыбіскупа Нунцыа Галанціна.

Анэлі адзначыў, што патрэбы сферы аховы здароўя ў многіх месцах свету можна ў значнай ступені задаволіць простымі лекамі і сродкамі, якія ў выпадку Еўропы ёсць нават у хатніх аптэчках. На жаль, у некаторых краінах іх цяжка атрымаць.

“Гэта невялікі ўклад у міжнародную салідарнасць. Часткай нашай місіі як універсітэта з’яўляецца ўдзел у дабрачынных ініцыятывах Святога Айца. Мы ўжо рэалізавалі праекты салідарнасці ў Святой Зямлі. (…) Рэчы, якія, здавалася б, для нас невялікія, могуць аказаць вялікую дапамогу”, — адзначыў рэктар каталіцкага ўніверсітэта.

Наступныя два этапы дапамогі рэалізуюць у бліжэйшыя тыдні. Адрасатамі стануць медыцынскія ўстановы ў Ліване, Сірыі і Судане.

Кс. Аляксандр Амяльчэня, беларуская рэдакцыя Vatican News

для друку для друку

Веснік-відэа

Варта паглядзець

Святыя заступнікі