Адвэнтовая сустрэча моладзі Віцебскай дыяцэзіі адбылася ў Паставах

22 снежня 2022 года ў Паставах у парафіі святога Антонія Падуанскага і Беззаганнай Найсвяцейшай Панны Марыі адбылася адвэнтовая сустрэча моладзі Віцебскай дыяцэзіі.

На сустрэчу прыехала моладзь з Полацка, Браслава, Лынтупаў, Варапаева і іншых мясцін дыяцэзіі. Прымала ўдзел і моладзь з Пастаў.

Сустрэча пачалася з прывітання душпастыра моладзі Віцебскай дыяцэзіі кс. Алега Хмылко і з малітвы Вяночкам да Божай міласэрнасці. Пасля чаго адбылася канферэнцыя, якую прамовіў а. Віктар Мялешка — францішканін з Удзела.

Таксама была магчымасць споведзі і святая Імша, якую цэлебраваў кс. Алег Хмылко. У гаміліі кс. Алег узгадаў, што Божае Нараджэнне — гэта нараджэнне чагосьці новага і вялікага. Галоўнае гэта «штосьці» не праспаць, а распачаць новы шлях разам з Хрыстом. Каб гэта дапамагло нам праявіць больш энтузіазма, да чаго заклікаў і Папа Францішак.

Пазней адбылося дзяленне аплаткам і супольная вячэра.

Сустрэча скончылася адарацыяй Найсвяцейшага Сакрамэнту і ўдзяленнем індывідуальнага благаслаўлення.

Кс. Алег Хмылко

для друку для друку

Веснік-відэа

Варта паглядзець

Святыя заступнікі