Каталіцкі Веснік Добрая Вестка ў тваім доме!
Моцныя дажджы выклікалі затапленне ў горадзе Масантол у правінцыі Пампанга на Філіпінах. Нягледзячы на складаныя ўмовы, айцец Крысціян Рэй Каянан адправіў святую Імшу ў капліцы Сан-Роке ў Сіціа-Іскундо. Вада, якая дасягала каленяў, не спыніла і вернікаў, якія прыйшлі на нядзельную Эўхарыстыю.
Прысутнасць святара і парафіян у затопленай капліцы стала красамоўным сведчаннем іх адданасці Эўхарыстыі. Для тых, хто прысутнічаў на супольнай малітве, неспрыяльнае надвор’е не стала перашкодай для сумеснага перажывання нядзелі.
Фотаздымкі Імшы, на якіх бачныя святар і вернікі, якія стаяць у вадзе, хутка прыцягнулі ўвагу ў інтэрнэце. Сцэна з Філіпін нагадвае нам пра тое, што для многіх католікаў удзел у Эўхарыстыі застаецца важнай часткай жыцця супольнасці, нават калі гэта патрабуе пераадолення выключных цяжкасцяў.
Паводле misyjne.pl
Пераклад Марыны Ткач
Фота: Iscundo Chapel/Facebook
для друку
