19 лютага Росіца чакае пілігрымаў

Дыяцэзіяльны санктуарый бласлаўлёных пакутнікаў Юрыя Кашыры і Антонія Ляшчэвіча ў Росіцы асабліва чакае сваіх пілігрымаў 19 лютага.

У сувязі з сітуацыяй пандэміі каранавірусу просьба да ўсіх, хто прыбывае ў Росіцу, захоўваць масачны рэжым і сацыяльную дыстанцыю не толькі ў касцёле, але і ў транспарце.

Праграма:

• 11.00 – адарацыя Найсвяцейшага Сакраманта з магчымасцю споведзі;
• 12.00 – святая Імша;
• 13.30 – працэсія на месца мучаніцтва і заканчэнне ўрачыстасцяў. Для жадаючых будзе падрыхтавана гарбата і невялікі пачастунак.

Вёска Росіца Верхнядзвінскага раёна знаходзіцца ў памежнай зоне. Для бяспечнага прыезду і пілігрымавання абавязкова неабходна мець пры сабе пашпарт.