Біскупская візітацыя і сакрамант канфірмацыі ў віцебскай катэдры

У мінулую нядзелю, 27 лістапада біскуп Алег Буткевіч наведаў парафію катэдральнага касцёла Езуса Міласэрнага, што ў Віцебску, з пастырскім візітам.    

Па традыцыі іерарха сустрэлі з хлебам і соллю пробашч парафіі кс. Андрэй Аніскевіч і прадстаўнікі парафіяльнай рады.

У гэты дзень у парафіі Езуса Міласэрнага адбыліся тры значныя падзеі: пачатак Адвэнта, біскупская візітацыя і ўдзяленне сакраманту канфірмацыі амаль дваццаці парафіянам.

Пасля святой Імшы вернікі, якія прынялі бежмаванне разам са сваімі сведкамі, роднымі і сябрамі працягнулі святкаванне ў парафіяльнай кавярні, дзе разам з біскупам Алегам, пробашчам Андрэем і з сёстрамі-служабнічкамі за кубкам гарбаты яшчэ раз перажылі радасць падзеі. Бо такі значны дзень у кожнага верніка бывае толькі адзін раз у жыцці.

Анатоль Бандарчук-Вошлаў, тэкст
Анатоль Бандарчук-Вошлаў, Кацярына Папяленка, фота

 для друку