7 гаджэтаў для малітвы

Жадаеце «падкачаць» свой унутраны стан? Маліцеся. І памятайце, што, як і ў любой спартыўнай дысцыпліне, тут важныя сістэматычнасць, добры трэнер і крутое абсталяванне.

Прапануем 7 гаджэтаў, якія павінны быць у кожным «духоўным спартзале».

Ружанец

Названы Псалтырам Найсвяцейшай Панны Марыі, ён перад кожнай бітвай «навучыць рукі бою» (Пс 143, 1). 50 «Вітай, Марыя» можна адмаўляць у дзясятках варыяцый ад серафіцкіх і кармеліцкіх камбінацый да фацімскіх таямніц або Пампейскай Навэнны. Чытаць Ружанец заахвочваюць экзарцысты, містыкі, Пантыфікі і стыгматыкі. Даступныя цяпер у форме пярсцёнка, бранзалета, у памеры крэдытнай карты ці ў mp3-фармаце, ён радуе вока не толькі святарам і манахам, але і модным стылістам на сусветных паказах.

Каронка да Божай Міласэрнасці

Хуткая і інтэнсіўная. Разам з прыгожымі карункамі, Каронка да Божай Міласэрнасці складае галоўны экспартны тавар з маркай “Зроблена ў Польшчы”. І, хоць афіцыйна яна з’явілася на рынку не так даўно, але стала неад’емнай часткай дня для мільёнаў католікаў на ўсіх кантынентах.

Ружанец/Камбаскіні

Калі вузел разумець як адзінку хуткасці, то 33 вузельчыкі на стандартным ружанцы — гэта хуткасная дарога да нястомнай малітвы. Пастаянна звяртаючыся да Госпада, мы наследуем Яго малітву ў Гетсіманіі, дзе Ён «тое самае казаў слова» (Мк 14, 39), а таксама малітву сляпога з-пад Ерыхона, які гучна і няспынна крычаў, нягледзячы на тое, што многія спрабавалі прымусіць яго замаўчаць. Словы «Госпадзе Езу Хрысце, змілуйся нада мной грэшным», або нават само імя «Езус» трэба прамаўляць у рытм удараў сэрца або ў тэмпе дыхання. Хоць гэты ружанец — прэрагатыва ўсходняга хрысціянства, ён становяцца ўсё больш папулярным і на захадзе, і нават у некаторых пратэстанцкіх супольнасцях.

Брэвярый/Літургія гадзін

Яшчэ адна порцыя практыкаванняў на сістэматычнасць. Літургія гадзін, або штодзённая малітва люду Божага, адпраўляецца не толькі ў адпаведнасці са зменамі пораў года, але і ў адпаведнасці да розных гадзін дня і ночы. Гэты сярэднявечны гадзіннік ад самога світання ўводзіць нас у нябесную рэальнасць і асвячае час, пакуль не сцямнела.

Абраз

Чымсьці нагадвае стэрэагарнітур: з аднаго боку — выказвае боскі сэнс, з другога — сама слухае. Як тлумачыць тэалогія абразоў, гэты святы вобраз забяспечвае верным зносіны са святымі, і пад іх заступніцтвам дапамагае паглыбіць уласнае духоўнае жыццё. Таму, нават нягледзячы на зацвярджэнне гісторыкаў, традыцыя малявання абразоў не даходзіць да апостальскіх часоў, часам варта сузіраць гэтыя выдатныя абліччы.

Свечка

Пра гэтыя гаджэты мы часта забываемся, хоць яны застаюцца неад’емным атрыбутам ў літургіі Касцёла: ліхтары, грамніцы, пасхал, лампады… Падпаленая свечка — гэта сімвал узнясення душы да Бога; прыкмета прысутнасці Таго, каго мы называем Святлом Свету і Святлом для прасвятлення язычнікаў. І, перш за ўсё, гэта іскра, якая павінна ўзмацняць святло веры ў нас саміх.

Генафлекторый (кленчнік)

Як яшчэ можна маліцца? На каленях! А каб не нанесці свайго зямнога абалонцы занадта непрыемнасцяў, клапоцімся аб гэтым з дапамогай крошкі дызайну. На фота — генафлекторый, на якім не толькі з камфортам праходзяць гадзіны малітвы, але і задрамаць лёгка.

Паводле stacja7.pl

 для друку