Пра межы ў сям’і разважалі ў Шчучыне

21 сакавіка ў Шчучыне адбылася чарговая сустрэча для бацькоў міністрантаў і харыстак парафіі.

Першым пунктам праграмы стала святая Імша, падчас якой удзельнікі маглі паслухаць рэкалекцыйную навуку і скарыстацца з сакраманту пакаяння. 

Пасля малітвы ў касцёле адбылася сустрэча ў кляштары. Яе госцем стала Барбара Сайнок, кансультант па справах сям’і пры Канферэнцыі Каталіцкіх Біскупаў у Беларусі. Разам прысутныя паразважалі на тэму “Межы ў сям’і” і больш падрабязна даведаліся пра “здаровыя” адносіны ў сужэнстве.

Айцец Віталій Слука SP, тэкст і фота