Каталіцкі Веснік Добрая Вестка ў тваім доме!
Пасля візіту Папы Францішка Ірак увядзе Нацыянальны дзень талерантнасці і суіснавання. Ён будзе адзначацца штогод 6 сакавіка ў памяць аб «гістарычнай сустрэчы» Папы з шыіцкім аяталой Алі Аль-Сістані.
Аб гэтым заявіў прэм’ер-міністр Мустафа Аль-Касімі. Кіраўнік іракскага ўрада таксама звярнуў увагу на важнасць міжрэлігійнай сустрэчы ў Ур, у якой узялі ўдзел Святы Айцец і прадстаўнікі рэлігій.
Пантыфік наведаў Аль-Сістані, аднаго з самых высокіх прадстаўнікоў шыіцкага ісламу, у святым для мусульман горадзе Наджаф. Гэта была першая сустрэча лідараў дзвюх рэлігійных супольнасцей. Пасля завяршэння візіту, у руінах старажытнага шумерскага горада Ур, дзе біблейскі Абрагам атрымаў ад Бога абяцанне зямлі і нашчадкаў, Папа Францішак сустрэўся з прадстаўнікамі рэлігій, якія прысутнічаюць у Іраку, і звярнуўся да іх з просьбай аб агульных намаганнях на карысць міру.
На працягу сваёй гісторыі, таксама сучаснай, Ірак перажываў шматлікія этнічныя і рэлігійныя канфлікты.
Беларуская рэдакцыя Vatican News
для друку
