Марожанае Halleluja да Святога 2025 года

Ілюстрацыйнае фота

Марожанае пад назвай Halleluja стане еўрапейскім смакам 2025 года. Ініцыятыва прымеркавана да Святога года ў Каталіцкім Касцёле.

Рэцэпт марожанага Halleluja вызначаць на конкурсе, які адбудзецца на выставе SIGEP у італьянскім горадзе Рыміні. Пра гэта паведамілі арганізатары Еўрапейскага дня рамеснага марожанага, які адзначаецца 24 сакавіка.

23 сакавіка 2025 года ля базілікі святога Пятра ў Рыме адбудзецца маштабная дэгустацыя марожанага Halleluja. Мерапрыемства арганізавана пры падтрымцы Святога Пасада і Міністэрства сельскай гаспадаркі і харчавання Італіі. Майстры-марожаншчыкі з усёй Еўропы прадставяць свае варыяцыі, натхнёныя тэмай Юбілейнага года, які праходзіць пад дэвізам Пілігрымы надзеі.

Паводле інфармацыі арганізатараў, праз марожанае яны імкнуцца перадаць пасланне міру, гасціннасці і яднання паміж пілігрымамі і аматарамі марожанага, а таксама адзначыць майстэрства вырабу рамеснага марожанага.

кс. Аляксандр Амяльчэня, беларуская рэдакцыя Vatican News