Каталіцкі Веснік Добрая Вестка ў тваім доме!
Ці часта мы задумваемся над тым, якім вялікім дарам для нас з’яўляюцца анёлы, якія нас аберагаюць і пільнуюць? У дзяцінстве, праўда, большасць з нас малілася «Анеле Божа, дружа мой…», аднак з узростам мы ў асноўным схільныя забываць, наколькі важная і магутная прысутнасць анёлаў у нашым жыцці.
Дактрына Нью Эйдж паўплывала між іншым і на наша разуменне гэтай духоўнай рэчаіснасці, апісваючы спосабы зносін з анёламі і іх уплыў на наша жыццё. Таму важна ўспомніць, што каталіцкая традыцыя кажа аб гэтых «службовых» духаў «пасланых служыць тым, хто пакліканы наследаваць збаўленне» (пар. Гбр 1, 14).
- Яны рэальныя
Каталіцкі Касцёл не прыдумаў Анёлаў-ахоўнікаў толькі для таго, каб дапамагчы дзецям адчуваць сябе бяспечна ў ночы; Анёлы ахоўнікі — сапраўдныя. «Існаванне духоўных бесцялесных істот, якіх Святое Пісанне называе анёламі, — гэта праўда веры. Сведчанне Пісання тут поўнасцю згодна з Традыцыяй Касцёла» (ККЦ, 328). У Бібліі знаходзім незлічоныя прыклады анёльскіх умяшальніцтваў: яны служылі ўсім — патрыярхам, прарокам, а таксама самому Хрысту. «Калі надыходзяць спакусы, кліч свайго анёла. Ён больш хоча дапамагаць, чым ты жадаеш, каб табе дапамаглі! Не звяртай увагі на д’ябла, не бойся яго, ён дрыжыць і бяжыць ад выгляду твайго анёла-ахоўніка », — вучыў св. Ян Боска.
- Кожны мае свайго анёла
«Разам з кожным вернікам стаіць анёл як абаронца і пастыр, вядучы ў жыццё» (св. Васіль). Мы ні з кім не дзелім нашага Анёла-ахоўніка. Яны настолькі важныя для нашага духоўнага дабрабыту, Гасподзь пасылае анёла кожнаму з нас. «Якой жа годнасцю валодае чалавечая душа, калі кожны з нас ад першага імгнення жыцця мае анёла, прызначанага, каб засцерагаць нас» (св. Геранім).
- Яны прывядуць нас да Неба, калі мы на гэта дазволім
Наш Анёл-ахоўнік абараняе нас ад зла, спадарожнічае нам у малітве і заахвочвае выбіраць дабро, а таксама прадставіць нас перад Божым тронам. Яны здольныя ўплываць на нашы пачуцці і ўяўленне, аднак не маюць уплыву на нашу волю. Анёлы не могуць выбіраць нас, аднак заахвочваюць усімі магчымымі спосабамі ісці за тым, што добрае, сапраўднае і прыгожае.
- Яны ніколі нас не пакідаюць
«Дарагія сябры, Пан заўсёды блізка; Ён дзейнічае ў гісторыі чалавека і ахоўвае нас з дапамогай унікальнай прысутнасці: анёлаў, якіх Касцёл сёння ўшаноўвае як ахоўнікаў. Іншымі словамі, яны — канкрэтныя прылады Божай апекі ў жыцці кожнага. З пачатку да смерці чалавечае жыццё акружана іх клопатам» (Бэнэдыкт XVI). Няма прычын для адчаю: анёлы крочаць побач, служаць нашым душам заўсёды. Нават смерць не разлучыць нас з імі, яны разам з намі на зямлі і будуцт з намі ў небе.
- Ваш Анёл-ахоўнік — гэта не ваш памерлы прадзядуля
У процівагу папулярным вераванняў і нашым спробам парадаваць тых, якія аплакваюць сваіх самых дарагіх, варта сказаць, што анёлы — гэта не людзі, якія адышлі. Анёлы — істоты духоўныя, якія маюць розум і вольную волю, створаныя Богам, каб праслаўляць Яго і служыць Яму ў вечнасці.
- Можна прыдумаць імя для свайго хатняга ўлюбёнца, але не для свайго Анёла-ахоўніка
Папулярная пабожнасць і культ святых анёлаў у сутнасці сваёй добрыя і праўдзівыя, але яны могуць стаць прычынай адхіленняў, такіх як практыка прадастаўлення імёнаў Анёлаў і варта гэтага пазбягаць. Гэта, аднак, не распаўсюджваецца на арханёлаў, чые імёны запісаны ў Святым Пісанні, кажа адна з інструкцый Кангрэгацыі па справах культу і дысцыпліны сакрамантаў.
- Гэта не пухленькія, салодкія дзеткі, якія лётаюць над аблокамі і граюць на арфах. Гэта магутныя духоўныя істоты, якія змагаюцца за тваю душу
«Хрыстос знаходзіцца ў цэнтры анёльскага свету. Анёлы яму належаць: «Як жа прыйдзе Сын Чалавечы ў славе, і анёлы ўсе з ім» (пар. Мц 25, 31)» (ККЦ 331). Анёлы значна дасканалей людзей, і яны пасланыя, каб мы служылі, пастаянна пры гэтым знаходзячыся ў Божай прысутнасці. Анёлы адораныя вялікай сілай і духоўнымі здольнасцямі, якіх чалавек не мае. Анёл — гэта не мультыплікацыйны персанаж. Ён трывае пры табе, каб цябе абараняць, праводзіць і ахоўваць. «Ты здзіўлены, што твой анёл столькі для цябе робіць? Бо менавіта для гэтага Гасподзь паставіў Яго каля цябе!» — пісаў св. Хасэмарыя Эскрыва.
Ты можаш, нават павінен, прасіць свайго анёла аб заступніцтве і апецы. Многія людзі не ўсведамляюць, якую дапамогу могуць ад яго атрымаць. Нябесны Айцец робіць усё, каб мы правялі з Ім вечнасць. Дазволь свайму анёлу укараніць у табе глыбіню Божай міласэрнасці, любові і дабрыні.
Па матэрыялах credo.pro
Пераклад catholicnews.by
для друку
