Кіраўнік Залы Друку Апостальскай Сталіцы паведаміў пра выпадак заражэння каранавірусам у ватыканскай рэзідэнцыі Святога Айца – Доме св. Марты. Матэа Бруні паінфармаваў журналістаў, што каранавірусная інфекцыя была выяўлена ў аднаго з супрацоўнікаў Дома. Хворы – на цяперашні час бессімптомны – быў ізаляваны, як і тыя, хто кантактаваў з ім. Ён часова пакінуў папскую рэзідэнцыю, у якой звычайна пражывае. У Доме ...

Паважаныя святары, шаноўныя кансэкраваныя асобы, умілаваныя ў Хрысце Пану браты і сёстры! У сувязі з далейшым распаўсюджваннем эпідэміі каранавірусу COVID-19 i высокай лічбай захворванняў, якая ў кантэксце восеньска-зімовага перыяду можа павялічыцца, а таксама з клопатам пра здароўе і жыццё жыхароў нашай краіны, Канферэнцыя Каталіцкіх Біскупаў у Беларусі пастанаўляе: Калі гэта будзе неабходна, дыяцэзіяльным біскупам, згодна з кан. 87 § 1, ...

Генеральны дырэктар Сусветнай арганізацыі аховы здароўя падтрымаў пазіцыю Святога Айца па барацьбе з пандэміяй каранавіруса. Адмысловае паведамленне ён змясціў у «Твітэры». Тэдрас Аданом Гебрэесус пракаментаваў словы Папы Францішка пра тое, што адказ на вірус павінен быць двайным: трэба знайсці лекі ад малога, але жудаснага віруса, які паставіў на калені ўвесь свет, а таксама змагацца з яшчэ большым вірусам – сацыяльнай ...

Вера, надзея і любоў падштурхоўваюць да падтрымкі бедных, бо яны найбольш пацярпелі ад эпідэміялагічнага крызісу, — падкрэсліў Папа 19 жніўня 2020 г., падчас агульнай аўдыенцыі. Папа Францішак прысвяціў чарговую, ужо трэцюю, катэхезу наступствам распаўсюджвання COVID-19. “Пандэмія зрабіла відавочнай складаную сітуацыю бедных і вялікую няроўнасць, якая пануе ў свеце. Вірус, не робячы адрозненняў паміж людзьмі, сустрэў на сваім знішчальным шляху сур’ёзныя ...

«Наведваючы ў канцы чэрвеня пацыентаў у Мексіканскім шпіталі ў Халіска, а. Хасэ Луіс пазнаёміўся з хворай жанчынай, якая пажадала прыступіць да Першай Святой Камуніі. Прыняўшы яе споведзь, святар вырашыў выканаць гэтую просьбу. «Гэта цудоўнае перажыванне, бальзам любові для хворых». Такімі словамі мексіканскі святар Хасэ Луіс Гансалес Сантаскай апісаў на Фэйсбуку тое, што адбылося пад канец чэрвеня ў шпіталі ў Халіска ...

Дыкастэрыя па справах свецкіх, сям’і і жыцця абвясціла аб запуску кампаніі «Кожны пажылы чалавек – твае бабуля і дзядуля», каб запрасіць моладзь усяго свету праявіць пяшчоту да асоб старэйшага ўзросту, асабліва ў час пандэміі. Адпаведнае паведамленне было апублікавана 27 ліпеня 2020 г. У ім выказваецца перакананне, што «захоўваць сацыяльную дыстанцыю не азначае пагадзіцца з наканаванай самотай і пакінутасцю» і што ...

Старшыня Папскай акадэміі жыцця заклікаў да салідарнасці паміж дзяржавамі падчас пандэміі, выказаў расчараванне выхадам ЗША з СААЗ і анансаваў трэці дакумент па сітуацыі з каронавірусам. “Міжнародныя і нацыянальныя арганізацыі аховы здароўя, хоць яны і зрабілі некаторыя памылкі, павінны ўмацоўвацца, а не разбурацца”, — сказаў арцыбіскуп Вінчэнца Палья ў інтэрв’ю Religion News Service. Іерарх прызнаў, што каронавірус стварыў хаос у навуковай ...

У той час, калі ўвесь свет імкнецца адказаць на шматлікія выклікі, звязаныя з пандэміяй каранавіруса, Caritas Internationalis заклікае да спынення агню ў зонах канфліктаў і зніжэння доўга бедных краін. 16 ліпеня адбылася анлайн-прэзентацыя справаздачы гэтай буйнейшай каталіцкай дабрачыннай арганізацыі за 2019 год з удзелам яе старшыні, кардынала Луіса Антоніа Тагле з Філіпін. Іерарх заўважыў, што падчас пандэміі патрэбна не толькі ...

Святы Айцец запэўніў у малітве за святароў, хворых на каранавірус, якія працуюць у аргентынскіх трушчобах. Аб гэтым ён сказаў у кароткім відэапасланні. Папа Францішак заўважыў, што хоча быць побач з імі ў гэты час змагання з хваробай, а таксама, што моліцца за святароў і духоўна суправаджае ўвесь Божы народ, які ў гэты складаны перыяд з’яднаўся вакол сваіх пастыраў. Асаблівым чынам ...

Апостальская элемазінарыя паінфармавала, што на працягу мінулых тыдняў у клінікі розных краін ад Святога Айца былі перададзены 35 апаратаў штучнай вентыляцыі лёгкіх. Медыцынскае абсталяванне было дастаўлена ў краіны, якія найбольш пацярпелі ад пандэміі каранавіруса і рэсурсаў якіх не заўсёды хапае для аказання дапамогі людзям. Паведамляецца, што апараты былі адпраўлены на Гаіці, у Дамініканскую Рэспубліку, Балівію, Бразілію, Калумбію, Эквадор, Гандурас, Мексіку, ...