Каталіцкі Веснік Добрая Вестка ў тваім доме!
«Шок і нявер’е», — кажуць Іза і Яцэк, якія разам з трынаццацігадовым сынам Ігарам віталі ардынарыя Быдгоскей дыяцэзіі біскупа Крыштафа Влодарчыка.
Аднак для біскупа гэта цалкам нармальна і з’яўляецца часткай яго штодзённага пастырскага служэння. Гэта магчымасць сустрэцца з вернікамі, якія складаюць парафіяльную, у дадзеным выпадку таксама дыяцэзіяльную супольнасць.
«Гэта радасць — мець магчымасць увайсці і на хвіліну пабыць з імі на малітве. Таксама ў духу сінадальнасці гэта магчымасць размаўляць з імі, непасрэдна ў іх прасторы, дзе яны жывуць, і ўдзельнічаць ва ўсім гэтым», — сказаў біскуп Крыштаф Влодарчык.
«Мы адчуваем гонар. Мы ўсведамляем унікальнасць такога візіту. Каляда — гэта сустрэча з пробашчам, а сёння — гэта проста цудоўна, што да нас прыязджае біскуп», — дадаюць Іза і Яцэк.
«Неверагодна цёплы чалавек. Цудоўна, што ён можа нават знянацку падысці да людзей, не чакаючы ніякіх ушанаванняў. Гэта прыгожа», — падсумавалі муж і жонка.
Кс. Мацей Хмялеўскі, пробашч парафіі, якую з калядой наведаў біскуп распавядае, што «сем’і былі вельмі ўсхваляваны і ўдзячныя за тое, што біскуп прыязджае не толькі для візітацыі або канфірмацыі, але таксама наведвае іх там, дзе яны жывуць».
Паводле pl.aleteia.org
пераклад Марыны Ткач
для друку
