Гродзенская дыяцэзія запрашае да ўдзелу ў Парафіядзе для дзяцей і моладзі

З 20 па 23 чэрвеня будзе праходзіць VIII Парафіяда дзяцей і моладзі Гродзенскай дыяцэзіі. Дэвіз сёлетняй парафіяды – “Будзьце міласэрнымі, як і Айцец ваш міласэрны” (Лк 6,36).

Парафіяда – праект, заснаваны на старажытнагрэчаскай трыядзе “Святыня – Тэатр – Стадыён”. Парафіяда будзе праходзіць у парафіі Беззаганнага Зачацця Найсвяцейшай Панны Марыі (Гродна-Паўднёвы) і ў парафіі Найсвяцейшага Адкупіцеля (Гродна-Дзевятоўка), стадыёне ЦСК “Нёман”.

Арганізатары забяспечваюць удзельнікам харчаванне і пражыванне, выхаваўча-рэлігійную, культурную і спартыўную праграму.

Элемент “святыня” уключае біблійны конкурс, конкурс рэлігійнай песні „Sacro Song”, конкурс ведаў па гісторыі і жыцці Касцёла. Элемент “тэатр” – конкурс малюнка, конкурс “Музыка – маё жыццё”, конкурс ведаў па гісторыі і жыцці Касцёла, конкурс малых тэатральных форм. Элемент “стадыён” – бег 60 м, бег 100 м, бег 800 м, бег 1000 м, бег 1500 м, скачкі ў даўжыню з разбегу, кіданне мяча, бадмінтон, настольны тэніс, шашкі, валейбол, футбол, плаванне.

Узрост удзельнікаў – 11-19 гадоў, хлопцы і дзяўчаты. Да ўдзелу запрашаюцца дзеці і моладзь з усёй Беларусі. Максімальная колькасць удзельнікаў ад адной парафіі – 15 чалавек +1 апякун (ад парафіі можа быць і меншая група).

Катэгорыя „A” – 2003 — 2006 г.нар.

Катэгорыя „B” – 2000 — 2002 г.нар.

Катэгорыя „C” – 1997 — 1999 г.нар.

Кошт удзелу 50.000. б.р. (ёсць магчымасць вызвалення ад аплаты).

Заяўку на парафіяду да 1 чэрвеня 2016 года дасылаць на адрас: grodno.parafiada@mail.ru.

Кожны ўдзельнік павінен мець пры сабе аформленую медыцынскую карту ўдзельніка Парафіяды з фотаздымкам, не старэйшым чым адзін год.

За парушэнне правіл удзельніка ў трыядзе “Святыня – Тэатр – Стадыён”, а таксама за неадпаведныя паводзіны арганізатары маюць права дыскваліфікаваць удзельніка або цэлую групу з Парафіяды.

Кантактныя тэлефоны: +375 33 624 35 22;  +375 29 319 54 65 (кс. Артур)

grodnensis.by

 для друку