Каталіцкі Веснік Добрая Вестка ў тваім доме!
Святыя Ірэнэй, Кіпрыян і Аўгустын, а таксама іншыя айцы Касцёла прысвоілі званне мучанікаў дзецям ва ўзросце ад двух гадоў і маладзей, якія былі забітыя ў Бэтлееме і вакол яго. Іх культ бярэ пачатак у першым стагоддзі пасля нараджэння Хрыста. У Заходнім Касцёле святая Імша за немаўлятаў-мучанікаў служыцца як Імша ў Вялікім посце — без радасных спеваў; літургічны колер — чырвоны.
З Евангелістаў толькі святы Мацвей даў нам інфармацыю аб гэтай падзеі (Мц 2, 1-16). Прысуд да смерці вынес немаўлятам Ірад Вялікі, кіраўнік Юдэі, даведаўшыся ад чараўнікоў, што нарадзіўся Месія, якога называюць царом Юдэі. Каб Нованароджаны не адабраў у яго ці нашчадкаў панавання, Ірад задумаў падступна пазбавіцца ад «канкурэнта».
Праваслаўная пабожнасць, больш эмацыйная, налічвала ажно 14 тысяч дзяцей, забітых у Бэтлееме, і яны адпаведна ўшанаваны і адлюстраваны на абразах з такім імем. Біблеісты разважаюць, колькі можа быць немаўлят. Бэтлеем у той час мог налічваць каля 1000 жыхароў. Такім чынам, дзеці ва ўзросце да двух гадоў могуць быць максімум 100; з гэтага мяркуем, што 50 хлопчыкаў (хоць звычайна ў тры разы больш дзяўчынак). Гэта, хутчэй за ўсё, максімальна магчымая колькасць, і яна не адпавядае рэчаіснасці. Тое, што Ірад пазначыў узрост немаўлятаў, важны для нас, таму што ён удакладніў час нараджэння Хрыста. Нават калі ўлічыць, што для ўласнай бяспекі Ірад мог крыху пераацаніць узрост ахвяр, Дзіцятку Езусу тады было больш за год.
Ушанаваныя як flores martyrum — першынец пакутніцкай смерці — немаўляты не аддалі жыццё за Хрыста, але, несумненна, гэта адбылося дзякуючы Яму. Яны перамаглі свет і атрымалі вянок пакутніцкай смерці, не ведаючы зла гэтага свету, спакусаў плоці і хітрыкаў сатаны.
За гэтую драматычную тэму часта бярэцца іканапіс. Сярод імёнаў мастакоў і скульптараў, у прыватнасці, сустракаюцца: Джавані Франчэска Бартала, Нікаля Пусэн, Гіда Рэні, Дзюрэр, Пітэр Брэйгель, Барталамеа Счэдоні, Рубенс і інш. У Падуі, у базыліцы Святога Юстына і ў некалькіх іншых храмах можна знайсці «рэліквіі» немаўлятаў. Яны, відавочна, ілжывыя і служаць толькі доказам таго, наколькі вялікім быў культ Немаўлятаў-мучанікаў у гісторыі Касцёла.
Яны лічацца заступнікамі касцельных хораў.
для друку
