Германія: каталіцкі ўніверсітэт прызнаны самым папулярным

Студэнцкі кампус Каталіцкага ўніверсітэта Айхштэт-Інгальштат (©Wikimedia Commons)

Каталіцкі ўніверсітэт Айхштэт-Інгольштадт чацвёрты раз прызнаны самым папулярным універсітэтам Германіі паводле рэйтынгу партала «Studycheck».

Вынікі маштабнага апытання студэнтаў і выпускнікоў пацвердзілі лідарства навучальнай установы. На аснове водгукаў за 2025 год універсітэт атрымаў 98 працэнтаў рэкамендацый ад сваіх навучэнцаў. Гэты ганаровы тытул установа ўжо заваёўвала ў 2021, 2022 і 2024 гадах.

Старшыня ўніверсітэта Габрыэле Гін падкрэсліла, што поспех грунтуецца на высокай якасці выкладання і асабістай падтрымцы кожнага студэнта. Паводле яе слоў, важнай каштоўнасцю ўстановы з’яўляюцца паважлівыя і цёплыя адносіны паміж выкладчыкамі і моладдзю.

Для будучых абітурыентаў установа ладзіць лічбавы «Тыдзень знаёмстваў». Таксама ва ўніверсітэце праходзіць “афлайнавы” дзень адчыненых дзвярэй, дзе кожны можа асабіста азнаёміцца з акадэмічнай прасторай лепшай ВНУ краіны.

Кс. Аляксандр Амяльчэня, беларуская рэдакцыя Vatican News