Каталіцкі Веснік Добрая Вестка ў тваім доме!
22 лістапада ў парафіі Узвышэнне Святога Крыжа ў Шаркаўшчыне прайшла Адарацыя Найсвяцейшага Сакраманта, падчас якой вернікі разважалі аб дарах Духа Святога.
Менавіта ў моладзі з’явілася думка зрабіць адарацыю. Маладыя людзі разам з пробашчам кс. Максімам Бачарнікавым падрыхтавалі песні і тэксты-разважанні. Прыйшлі на чуванне і іншыя парафіяне. Разам маліліся і разважалі над пытаннямі: Змаглі б вы адрозніць Бога ад д’ябла? Што для вас мудрасць? Што вы жадаеце адчуць, калі даеце нядобрую або пустую раду? Якой была вашая апошняя парада, з якімі мэтамі вы яе давалі? Ці мужна нясеце свой крыж? Што для вас мужнасць у Богу, умеласць? Ці шчыра вы моліцеся, аб чым думаеце і просіце? Якой была ваша апошняя малітва, ці прынясе яна плён? Што мы павінны баяцца згубіць?
Урывак з разважання аб Бозі Божай:
«Мы павінны баяцца не самога Бога, а нашага кантакта з ім. Гэты кантакт, як неразрыўная нітка. Калі мы слухаем Бога, то гэтая яна становіцца ўсё таўсцей і таўсцей, а калі нашы адносіны з Богам ператвараюцца ў “гандаль”, сёння малюся, люблю, а заўтра, ужо, наракаю на яго, то гэтая нітка будзе станавіцца ўсё танчэй. А самае галоўнае ў тым, што гэтая ніць ніколі не парвецца, бо Бог ніколі не пакідае нас. Але падумайце, як будзе потым цяжка вяртацца назад. Ці паспеем мы?»
кс. Максім Бачарнікаў
для друку
