Прыгожая і простая задума для хатняй каляднай стаенкі

З набліжэннем свята, напэўна, шмат бацькоў думае над тым, як цікава і карысна правесці час з дзецьмі, нагадаць ім гісторыю нараджэння Езуса, а пры нагодзе стварыць прыгожую святочную дэкарацыю.

Прапануем цудоўную задуму, як зрабіць бэтлеемскую стаенку са звычайных слоікаў.

Практычна ўсе патрэбныя для стварэння такой дэкарацыі элементы можна знайсці ў кожным доме. Дастаткова мець толькі некалькі слоікаў рознага памеру, ёлачныя агеньчыкі, ёлачныя цацкі і старую рамку, а таксама некалькі хваёвых галінак і шышак.

Патрэбныя элементы:

• слоікі розных памераў;
• аркушы A4 самаклейнай чорнай фольгі/паперы;
• залатая фольга або бліскучая тканіна;
• нажніцы;
• клей;
• ёлачныя агеньчыкі;
• некалькі хваёвых галінак і шышак;
• дэкаратыўныя галінкі;
• круглыя чырвоныя ёлачныя шарыкі

Kрок 1:

Пашукайце ў інтэрнэце бясплатныя контуры постацяў стаенкі, раздрукуйце іх з левага боку самаклейнай фольгі і выражце.

Kрок 2:

Трымаючы слоік, дазвольце дзіцяці наклеіць на яго выразаныя контуры постацяў. Можна дапамагчы дзіцяці ў гэтым.

Kрок 3:

Вазьміце старую рамку і ўстаўце ў яе кавалак чорнай або чырвонай паперы. Намалюйце на ім зорку, па краях наклейце папяровую стужку. Яна не з’яўляецца неабходнай, але дзякуючы ёй клей не будзе выходзіць за краі.

Kрок 4:

Kалі краі зоркі гатовыя, намажце яе ўнутры клеем і дайце дзіцяці наклеіць на слоік бліскучыя паперу або тканіну ці кавалак залатога ёлачнага ланцужка. Выкарыстайце тое, што маеце дома. Калі клей высахне, здыміце стужку.

Kрок 5:

Пастаўце слоікі на камодзе ці паліцы, змясціўшы самы вялікі ў сярэдзіне, а меншыя па баках. Потым пакладзіце ў сярэдзіну агеньчыкі, а выступаючыя провады закрыйце газетамі. Папрасіце дзіця дапамагчы ва ўпрыгожванні стаенкі галінкамі, ёлачнымі шарыкамі і шышкамі. Запаліце ўсе агеньчыкі і радуйцеся прыгожаму выніку сваёй працы.

Апрацаваў на аснове інтэрнэт-старонак кс. Юрый Марціновіч
grodnensis.by

 для друку