Папа Францішак у Twitter мае 26 мільёнаў падпісчыкаў

Паведамленні Папы публікуюцца на дзевяці мовах: іспанскай, англійскай, французскай, нямецкай, партугальскай, польскай і латыні.

Іспанскі акаўнт мае найбольшую колькасць падпісчыкаў: больш 10 мільёнаў.

Партал CREDO нагадвае, што Папа Францішак карыстаецца папулярнай сеткай мікраблогаў Twitter з пачатку свайго пантыфікату. Аккаунт @pontifex застаўся яму ад Бэнэдыкта XVI і дзейнічае ад 12 снежня 2012 года. Спачатку там публікаваў свае думкі Бэнэдыкт XVI.

Twitter — на сённяшні дзень адна з самых папулярных сацыяльных сетак мікраблогаў, карыстальнікі якой абменьваюцца кароткімі паведамленнямі (да 140 знакаў).

Папа Францішак з пачатку свайго пантыфікату напісаў ужо 699 твітаў.