Сямейнае свята «Натхнёныя надзеяй» зладзілі ў Смаргоні

30 мая ў парафіі святога Міхала Арханёла ў Смаргоні адбылося сямейнае свята для дзяцей і іх бацькоў.

Пачалося ўсё ўрачыстай святой Імшой, на якой адбылося прыняцце кандыдатаў ў міністранты, а таксама новыя ўдзельнікі клуба святога Дамініка Савіа склалі сваё абяцанні, а старэйшыя — аднавілі іх.

Пасля святой Імшы дзяцей і іх бацькоў чакалі гульні, падчас якіх яны маглі пазнаёміцца з рознымі святымі і радасна правесці час. За кожную гульню ўдзельнікі атрымлівалі «надзейкі», якія ў выніку можна было абмяняць на салодкі пачастунак альбо набыць сабе падарунак. Напрыканцы свята быў падведзены вынік латэрэі, у якой тры пераможцы атрымалі падарункі для ўсёй сям’і.

Скончылася свята супольным фотаздымкам і благаслаўленнем ксяндза Паўла Шчарбіцкага SDB.

кс. Артур Ляшнеўскі SDB

 для друку