У Віцебску прайшоў дыяцэзіяльны конкурс батлеек (фота, відэа)

^[1]Падзея адбылася 4 студзеня ў Цэнтры дзіцячай творчасці горада Віцебска.

Удзел у конкурсе прынялі дзіцячыя калектывы з 11 парафій дыяцэзіі, акрамя таго, Дубровенская парафія была прадстаўлена адной удзельніцай.

Вядучымі мерапрыемства былі кс. Віктар Місевіч і Вікторыя Колзун. Яны і прадставілі гледачам і ўдзельнікам склад журы. У яго ўвайшлі а. Міхаіл Ермашкевіч ОР, пробашч парафіі Найсвяцейшай Тройцы ў Сянно, Крысціна Бондарава, кіраўнік клуба культурна-гістарычнай рэканструкцыі “Паўночная вежа”, Алесь Замкоўскі, кіраўнік літаратурна-драматычнай часткі Нацыянальнага акадэмічнага драматычнага тэатра імя Якуба Коласа ў Віцебску, а. Клеменс Верт SJ, прадстаўнік Віцебскай курыі.

Напачатку ўсіх прывітаў біскуп Віцебскі Алег Буткевіч. Ён пажадаў удзельнікам і гледачам творчых поспехаў і прыемных уражанняў. Пасля гэтага ўсе разам прачыталі малітву “Ойча наш”.

Першымі ў гэтым годзе выступілі дзеці з катэдральнай парафіі Езуса Міласэрнага.

^{[2] [3]}

Пасля іх выступіў дзіцячы калектыў з парафіі Святога Антонія ў Віцебску.

^[10]

Трэцяй выступала самая маладая віцебская супольнасць – парафія Святога Уладзіслава.

^{[20] [21]}

Затым парафію Маці Божай Фацімскай з Дуброўна прадставіла Дар’я Вінкевіч. Яна прачытала верш пра анёла.

^{[22] [23]}

Далей выступіла парафія Святога Андрэя Баболі з Полацка.

^[24]

Пасля прыйшла чарга парафіі Нараджэння Маці Божай з Браслава.

^{[31] [32]}

 

Затым выступіла парафія Імя Найсвяцейшай Панны Марыі з Параф’янава.

^[45]

Пасля Параф’янава выступілі дзеці з Наваполацка.

^{[55] [56] [57]}

А потым гледачоў чакала батлейка, якую паказала парафія Найсвяцейшай Тройцы з Докшыц.

^{[58] [59] [60]}

Пасля выступілі дзеці з самай далёкай парафіі Віцебскай дыяцэзіі – парафіі Святога Андрэя Апостала з Лынтупаў. Каб патрапіць у Віцебск, прадстаўнікам гэтай парафіі прыйшлося праехаць тры сотні кіламетраў.

^{[73] [74]}

Затым выступілі дзеці з парафіі Нараджэння Найсвяцейшай Панны Марыі з Верхнядзвінска.

^{[84] [85] [86]}

А завяршылі выступленне госці з Друйскай парафіі.

^[87]

Пасля абеда адбылося ўручэнне ^[98] дыпломаў, прызоў і падарункаў. Дзеці раз’ехаліся па сваіх парафіях, каб праз год зноў сустрэцца тут у Віцебску.

Зміцер Лупач, тэкст і фота
Леанід Юрык, відэа